30/01/2018 · niitlelch.mn (Archiv) · Archive

Цалинг нэмж, тэтгэвэрт гарах насыг…

Цалинг нэмж, тэтгэвэрт гарах насыг хуучнаар нь болгоно

Олон улсын валютын сангийн ажлын хэсэг өнгөрсөн 7 хоногт Улаанбаатарт ажилласан. Энэ үеэр Засгийн газрын зүгээс зарчмын чанартай 4 асуудлыг тавьж шийдвэрлүүлжээ.

Тодруулбал, нэгдүгээрт эрэгтэй 60, эмэгтэй 55 наснаас өөрийн хүсэлтээр тэтгэвэрт гарах эрхийг нээсэн байна. Мөн хортой нөхцлөөр тэтгэврээ тогтоолгох бол эрэгтэй 55, олон хүүхэдтэй эмэгтэй 50 наснаас тэтгэвэрт гарч болох аж. Түүнчлэн тэтгэврийн насыг жилд 6 сараар нэмэх шийдвэрээ эргэн харж хугацааг нь 3 сар болгож бууруулахаар ярилцжээ.

Хоёрдугаарт, Хүн амын орлогын албан татварын 4 шатлалыг зогсоож, нэг шатлалтай болгох нь. Ингэснээр татварын хувь хэмжээ өмнөх шатлал руугаа орох юм. Тус шийдвэртэй холбогдуулж нэгдүгээр сард төлсөн татварыг буцааж олгохоор болжээ.

Гуравдугаарт, Төрийн албан албан хаагчдын цалинг нэмэхээр ярьж тохиролцсон бөгөөд ирэх онд нэмнэ. Дөрөвдүгээрт, Хүүхдийн мөнгөний хамрах хүрээг 60 хувь болгож бууруулсан байсныг 80 болгож нэмэхээр ярилцаж байгаа аж.

Засгийн газар эдгээр асуудлыг УИХ-д хууль болгон өргөн барихаар болсон байна. Учир нь намрын чуулган удахгүй хаалтаа хийнэ. Тиймээс чуулган завсарлахын өмнө дээрх асуудлуудыг бүрэн шийдвэрлэх чигтэй ажиллаж байгаагаа Ерөнхий сайд У.Хүрэлсүх өнөөдөр сэтгүүлчдэд мэдээллээ.

This article is from the earlier niitlelch.mn archive. Original publication date shown above.
🗎 Snapshot (2026-10-24)
Archived copy: we store the source HTML at the moment of crawling. Even if the original is deleted or changed, you can see what it said. The SHA-256 checksum proves the file is unchanged.

⚑ Report an error

Comments (0)

No comments yet.

Log in to comment.