2018.02.07 · niitlelch.mn (Archiv) · Архив

ЕБС-ийн гуравдугаар улирлын болон зуны

ЕБС-ийн гуравдугаар улирлын болон зуны амралтын хуваарьт ӨӨРЧЛӨЛТ оров

БСШУС-ын сайдын тушаалаар ерөнхий боловсролын сурагчдын гуравдугаар улирлын амралтын хуваарьт өөрчлөлт оржээ.

2017-2018 оны хичээлийн шинэ жилийн эхэнд Ерөнхий боловсролын сургуулийн сурагчдыг гуравдугаар улиралд 3 дугаар сарын 23-наас 4 дүгээр сарын 05-ны хооронд амраах хуваарьтай байв.

Гэвч БСШУС-ын сайд өнөөдөр тушаал гаргаж, Нийслэлийн  ЕБС-ийн амралтыг 3 дугаар сарын 22-ноос 4 дүгээр сарын 1-н хүртэл амраах болжээ. Харин аймаг, сум, багийн сургуулиудыг 3 дугаар сарын 26-наас 4 дүгээр сарын  08 хүртэл амраахаар боллоо.

Түүнчлэн хичээлийн зуны амралтын хуваарьт ч өөрчлөлт орсон байна. Өмнө нь зуны амралтыг бага анги  5 дугаар сарын  25-наас  дунд ахлах анги  6 дугаар сарын 08-наас амрах хуваарьтай байсан бол шинэчилсэн тушаалаар бүх сургуулийн 1-2 дугаар ангийн сурагчид 6 дугаар сарын 01-нээс, 3-5 дугаар ангийнхан 6 дугаар сарын 08-наас, 6-12 дугаар ангийн сурагчид 6 дугаар сарын 15-наас амрахаар болов.

Сурагчдын хоёрдугаар улирлын амралтын хуваарьт өөрчлөлт орсонтой холбоотой дунд болон ахлах ангийн сурагчдын хичээл 5 хоног тасраад байсан. Энэхүү тасалдсан хоногийн хичээлийг гурав болон дөрөвдүгээр улиралд багтаан багш, сурагчдад хүндрэл учруулахгүйгээр нөхөн судлах ажлыг зохион байгуулахыг ерөнхий боловсролын сургуулиудын захирлуудад  үүрэг болгожээ.

Энэ нийтлэл niitlelch.mn-ийн өмнөх архиваас. Анх нийтлэгдсэн огноо дээр заагдсан.
🗎 Архивлагдсан хувь (2026-10-24)
Архивлагдсан хувь: бид эх сурвалжийн HTML-ийг татаж авсан тэр мөчид нь хадгалдаг. Эх нийтлэл устсан, өөрчлөгдсөн ч энд юу бичигдсэн байсныг харж болно. Хяналтын нийлбэр (SHA-256) нь файл өөрчлөгдөөгүйг баталгаажуулна.

⚑ Алдаа мэдэгдэх

Сэтгэгдэл (0)

Сэтгэгдэл алга.

Сэтгэгдэл бичихийн тулд нэвтэрнэ үү.