12/02/2018 · niitlelch.mn (Archiv) · Archive

Пёнчан хотод гэдэсний халдварт…

Өмнөд Солонгосын Пёнчан хотод зохиогдож байгаа Өвлийн олимпийн наадмын үеэр гэдэсний халдварт өвчин дэгджээ. Өнөөдрийн байдлаар эмч мэргэжилтнүүд гэдэсний халдварт өвчний 128 тохиолдлыг илрүүлээд байна.

Норовирус гэгдэх гэдэсний халдварт вирусын халдвар тархаж байгаа талаар Олимпийн наадмын зохион байгуулах хорооноос мэдээлж, өвчний халдвараас сэргийлэхийг хүсчээ. Норовирус нь хамгийн түрүүнд Хореба залуучуудын төвд аюулгүй байдлыг сахин хамгаалах үүрэг хүлээн ажиллаж байсан хамгаалагчдын дунд гарч, тэднийг яаралтай хөл хорионд оруулсан байна. Улмаар өвчний шинж тэмдэг гаарч эхэлсэн учраас  Олимпийн наадмын зохион байгуулагчид ресторан, зоогийн газрууд, үйлчилгээний байгууллагын ундны усны хоолой, чанар, ус цэвэршүүлэх төхөөрөмж зэрэг үзлэг шалгалт явуулж эхэлжээ.

Өнөөдрийн байдлаар гэдэсний халдварт өвчний шинж тэмдгээр 86 хүн эмнэлэгт хэвтэн эмчлүүлж байгаагийн дийлэнх нь Олимпийн объектуудад хамгаалагчаар ажиллаж байсан хүмүүс, цагдаагийн ажилтнууд, мөн хүнсний үйлдвэрлэл дээр ажиллаж байгаа хүмүүс байгаа юм.

Олимпийн наадмын зохион байгуулагчид болон Өмнөд Солонгосын эрүүл мэндийн яамныхан өвчний дэгдэлтийг газар авхуулалгүй таслан зогсоохоор шаардлагатай бүхий л алхмыг авч ажиллаж байна.

This article is from the earlier niitlelch.mn archive. Original publication date shown above.
🗎 Snapshot (2026-10-24)
Archived copy: we store the source HTML at the moment of crawling. Even if the original is deleted or changed, you can see what it said. The SHA-256 checksum proves the file is unchanged.

⚑ Report an error

Comments (0)

No comments yet.

Log in to comment.