01/03/2018 · niitlelch.mn (Archiv) · Archive

Шадар Сайд Энхтүвшин Ялалтад тэмүүлсэн морьд

Монгол Оросын Засгийн Газар хоорондын комиссын XXI нэгдсэн хуралдааны дараа Монгол Улсын Шадар Сайд Ө.Энхтүвшин, Монгол Улсаас ОХУ-д суугаа Онц бөгөөд Бүрэн Эрхт Элчин Сайд Б.Дэлгэрмаа тэргүүтэй төлөөлөгчид Москва хотын Хүндэтгэлийн дэнж дэх “Ялалтад тэмүүлсэн морьд” хөшөөнд цэцэг өргөлөө.

Аугаа Эх орны дайны Ялалтын 70 жилийн ойг тохиолдуулан Монголын ард түмнээс Оросын ард түмэнд бэлэглэсэн уг хөшөөг тус цэцэрлэгт хүрээлэнд 2017 оны 5 дугаар сард сүндэрлүүлсэн бөгөөд хөшөөний суурийн хананд “Монголын ард түмэн аугаа эх орны дайны эхний өдрөөс Зөвлөлтийн ард түмний үнэнч холбоотон байж, танкийн цуваа, нисэх онгоцны эскадриль, хагас сая агт морь, бусад бэлгийн цувааг илгээн их ялалтад хувь нэмрээ оруулсан билээ” хэмээн сийлсэн байдаг.

This article is from the earlier niitlelch.mn archive. Original publication date shown above.
🗎 Snapshot (2026-10-24)
Archived copy: we store the source HTML at the moment of crawling. Even if the original is deleted or changed, you can see what it said. The SHA-256 checksum proves the file is unchanged.

⚑ Report an error

Comments (0)

No comments yet.

Log in to comment.