28/03/2018 · niitlelch.mn (Archiv) · Archive

150 сурагч БНХАУ-д тэтгэлэгээр суралцах БАТЛАМЖ-аа гардлаа

Сонгинохайрхан дүүргийн ерөнхий боловсролын сургуулиудын 12 дугаар ангийн 150 сурагч БНХАУ-ын их, дээд сургуулиудад 30-100 хувийн тэтгэлэгтэй суралцах болж, өнөөдөр батламжаа гардлаа.

Тус дүүргийн хэмжээнд төрийн өмчийн 19, хувийн найман сургууль үйл ажиллагаа явуулдаг бөгөөд 12 дугаар ангид 2550 сурагч суралцдаг аж. Эх орны ирээдүй болсон хүүхэд багачуудыг олон улсын чанартай боловсрол эзэмшихэд нь дэмжлэг үзүүлэхээр тус дүүргийн ЗДТГ болон Олон улсын боловсрол хөгжил сан хамтран БНХАУ-д 30-100 хувийн тэтгэлгээр суралцуулах ажлыг зохион байгуулж буй юм.

Энэ хүрээнд төгсөх ангийн сурагчдыг хоёр шатны шалгалтад хамруулж, 150 хүүхдийг сонгосон байна. Шалгалтад 800 гаруй сурагч хамрагдсанаас 65 дугаар сургуулийн сурагч Л.Багабанди тэргүүн байранд шалгарч 100 хувийн тэтгэлэг авчээ. Харин хоёрдугаар шатны шалгалтад тэнцсэн сурагчид 30-70 хувийн тэтгэлэг авах аж.

Сурагчид нэг жилийн хэлний бэлтгэлд хамрагдсаны дараа сонгосон мэргэжлийнхээ дагуу их дээд сургуулиудад суралцах юм.

This article is from the earlier niitlelch.mn archive. Original publication date shown above.
🗎 Snapshot (2026-10-24)
Archived copy: we store the source HTML at the moment of crawling. Even if the original is deleted or changed, you can see what it said. The SHA-256 checksum proves the file is unchanged.

⚑ Report an error

Comments (0)

No comments yet.

Log in to comment.