06/04/2018 · niitlelch.mn (Archiv) · Archive

Рок, алтернатив урсгалын томоохон төлөөлөгч “ЧОНО” хамтлаг тоглолтоо хийнэ

Монголын рок, алтернатив урсгалд өөрийн орон зайг хэдийнээ бий болгож, олон арван дуугаа хит болгон эгшиглүүлсээр хорь орчим жил уран бүтээлээ тасралтгүй туурвиж буй “Чоно” хамтлаг тоглолтоо хийх гэж байна.

“Чоно-2018” нэртэйгээр хийгдэх уг тоглолт энэ сарын 20-нд “CROCUS Event Hall”-д болно.

Тус хамтлагийн хувьд өнгөрсөн 18 жилийн хугацаанд “Залуу нас”, “Хайлж, урсаж байна”, “Энэ дурлал юм уу”, “Чамд таалагдахын тулд”, “Сүүлчийн хичээлийн дараа хайчих вэ”, “Үнэнч амраг” зэрэг дуугаа сонсогчиддоо хүргэсэн билээ.

Мөн “Хар сарнай” хамтлагтай хамтран “Бүтээнэ сөнөөнө” дууг шинэчлэн дуулсны зэрэгцээ “Эв нэгдэл”, “Чин үнэнч хайр”, “Уухай”, “Уучлаарай би чамд хайртай”, “Хүсэл” зэрэг бүтээлээ өлгийдсөн юм.

This article is from the earlier niitlelch.mn archive. Original publication date shown above.
🗎 Snapshot (2026-10-24)
Archived copy: we store the source HTML at the moment of crawling. Even if the original is deleted or changed, you can see what it said. The SHA-256 checksum proves the file is unchanged.

⚑ Report an error

Comments (0)

No comments yet.

Log in to comment.