11/04/2018 · niitlelch.mn (Archiv) · Archive

Газар хөдлөлтийн давтамж, магнитудын хэмжээ нэмэгдэж байна

Газар хөдлөлтийн давтамж, магнитудын хэмжээ нэмэгдэж байна.

Манай улсын газар хөдлөлтийн давтамж 2005 оноос хойш эрс нэмэгдэж, энэ хэрээр магнитуд нь хүчтэй болж байгаа аж.

Тухайлбал, 2015 онд улсын хэмжээнд 30 мянган удаа газар хөдөлсөн бол 2016 онд 38.4 мянган удаа газар хөдөлжээ. Ингэхдээ 3.5 магнитудаас их буюу хүчтэй газар хөдлөлт 77 удаа болжээ.

Онцгой байдлын ерөнхий газрын Гамшгийн шуурхай удирдлагын газрын ахлах мэргэжилтэн З.Баттулга нэгэн ярилцлагадаа

“Улаанбаатар хотын ойролцоо найм хүртэл магнитудын хүчтэй газар хөдлөлт болбол нийслэлийн барилга байгууламжийн 20-50 орчим хувь нь нурж унана. Хүн амын 30-60 орчим хувь нь өртөх магадлалтай” гэсэн юм.

Улаанбаатар хотын ойролцоо газар хөдлөлтийн идэвхтэй гурван бүс байдаг аж.

Тодруулбал, “Эмээлт”, Хустайн нуруу, Төв аймгийн Сэргэлэн сум орчим аж. Идэвхжил өндөртэй эдгээр бүсэд сүүлийн жилүүдэд газар хөдлөлтийн давтамж болон магнитудын хэмжээ нэмэгдэж байгаа аж.

This article is from the earlier niitlelch.mn archive. Original publication date shown above.
🗎 Snapshot (2026-10-24)
Archived copy: we store the source HTML at the moment of crawling. Even if the original is deleted or changed, you can see what it said. The SHA-256 checksum proves the file is unchanged.

⚑ Report an error

Comments (0)

No comments yet.

Log in to comment.