03.05.2018 · niitlelch.mn (Archiv) · Archiv

Хариуцлагатай ажилласан алба хаагчид шагнагдлаа

Орхон аймгийн Засаг дарга Д.Батлутын захирамжаар байгалийн гамшиг болон малын гоц халдварт өвчний үед шуурхай, хариуцлагатай ажилласан 100 гаруй хүнийг шагналаа.

Энэ өвөл тус аймагт өвөлжилт хүндэрч олон малчин өрх цасанд боогдсон бол өнгөрсөн хоёрдугаар сард малын гоц халдварт шүлхий өвчин гарч Жаргалант сум 30 хоногийн хорио цээрийн дэглэм тогтоосон.

Мөн цаг агаар дулаарах үед 80 гаруй айл хур цасны үерт автах эрсдэл үүсч Онцгой байдал, Цагдаагийн газар, Зэвсэгт хүчний 186, 110 дугаар ангийн алба хаагчид, Баян-Өндөр сум, Мэргэжлийн хяналт, Эрүүл мэнд, Хүнс, хөдөө аж ахуйн газар зэрэг төрийн арав гаруй байгууллагын мэргэжилтнүүд шуурхай ажилласан юм.

Үүний үр дүнд малын гоц халдварт өвчнийг тархаалгүй тогтоож, цасанд боогдсон малчдад яаралтай тусламж хүргэж, хур цасны үерт авсан айл өрхөд тусалж Орхон аймаг эрсдлийг хохирол багатайгаар даван туулж чаджээ.

Иймд аймгийн Засаг даргын орлогч А.Түвшинжаргал дээрх байгууллагын 100 гаруй мэргэжилтэн, алба хаагчдад баяр хүргэж “Орхон аймгийн Хүндэт тэмдэг”, “Засаг даргын жуух бичиг”-ээр шагналаа.

Dieser Artikel stammt aus dem früheren niitlelch.mn-Archiv. Ursprüngliches Datum oben.
🗎 Archivkopie (2026-10-24)
Archivkopie: Wir speichern das HTML der Quelle zum Zeitpunkt des Abrufs. Auch wenn das Original gelöscht oder geändert wird, bleibt nachlesbar, was dort stand. Die SHA-256-Prüfsumme belegt, dass die Datei unverändert ist.

⚑ Fehler melden

Kommentare (0)

Noch keine Kommentare.

Zum Kommentieren bitte anmelden.