18/01/2017 · niitlelch.mn (Archiv) · Archive

Бүртгэлийн тухай хуулиудын шинэчилсэн найруулгын төслүүдийг хэлэлцэхийг хойшлууллаа

Linked automatically by name · ⚑ Report an error

Улсын Их Хурлын Хууль зүйн байнгын хорооны хуралдаан 52.6 хувийн ирцтэй эхэллээ.

Байнгын хорооны дарга Ш.Раднаасэд энэ өдрийн хуралдаанаар хэлэлцэх асуудлыг танилцуулах үеэр Улсын Их Хурлын гишүүн Ц.Нямдорж сонгууль болох хугацаа дөхсөн үед иргэний бүртгэлийн эрх зүйн орчныг өөрчлөх талаар хэлэлцэх нь тохиромжгүй хэмээн үзэж буйгаа илэрхийлээд Улсын бүртгэлийн ерөнхий хуулийн шинэчилсэн найруулгын төсөл болон холбогдох бусад хуулийн төслүүд болон Эд хөрөнгийн эрхийн улсын бүртгэлийн тухай хуулийн шинэчилсэн найруулгын төсөл болон холбогдох бусад хуулийн төслүүд, Иргэний улсын бүртгэлийн тухай хуулийн шинэчилсэн найруулгын төсөл болон холбогдох бусад хуулийн төслүүдийг хэлэлцэхийг хойшлуулах санал гаргав. Улсын Их Хурлын гишүүн, Засгийн газрын гишүүн, Хууль зүй, дотоод хэргийн сайд С.Бямбацогт цаг үеийн нөхцөл байдлыг харгалзан хуулийн төслүүдийг хэлэлцэхийг хойшлуулахад татгалзах зүйлгүй хэмээн байр сууриа илэрхийлснээр дээрх хуулийн төслүүдийг хэлэлцэхийг хойшлуулсан юм. Ийнхүү Хууль зүйн байнгын хороо өнөөдрийн хуралдаанаараа гурван асуудал хэлэлцэж шийдвэрлэхээр тогтов.

This article is from the earlier niitlelch.mn archive. Original publication date shown above.
🗎 Snapshot (2026-10-24)
Archived copy: we store the source HTML at the moment of crawling. Even if the original is deleted or changed, you can see what it said. The SHA-256 checksum proves the file is unchanged.

⚑ Report an error

Comments (0)

No comments yet.

Log in to comment.