16/05/2018 · niitlelch.mn (Archiv) · Archive

БНАСАУ цөмийн хөтөлбөрөөсөө татгалзах үйл явцыг эхлүүлвэл тус улсад үе шаттайгаар эдийн засгийн тусламж үзүүлнэ гэв

~БНАСАУ цөмийн хөтөлбөрөөсөө татгалзах үйл явцыг эхлүүлвэл тус улсад үе шаттайгаар эдийн засгийн тусламж үзүүлнэ гэв~

БНХАУ-ын дарга Ши Жиньпин БНАСАУ цөмийн хөтөлбөрөөсөө татагалзах үйл явцыг эхлүүлэх тохиолдолд Бээжин Пхеньянд эдийн засгийн тусламж үзүүлж болохыг амласан байна.

Хятадын удирдагч энэ сарын 7-8-нд Даляньд БНАСАУ-ын удирдагч Ким Жон Ун-тай уулзахдаа түүнд энэ талаар биечлэн амлажээ.

Ши Жиньпин энэ яриа хэлэлцээний явцад Пхеньян АНУ-тай өөрийнхөө цөмийн зэвсгийг иж бүрэн устгах тухай тохиролцоо байгуулах ёстойг цохон тэмдэглэсэн байна. Ингэх тохиолдолд Бээжин БНАСАУ-д үе шаттайгаар эдийн засгийн дэмжлэг үзүүлэхэд бэлэн байгааг Ши Жиньпин бас цохон тэмдэглэжээ.

БНХАУ-ын Далянь хотод болсон уулзалтаар Ким Жон Ун АНУ гагцхүү Пхеньян цөмийн хөтөлбөрөөсөө татгалзахыг эргэлт буцалтгүйгээр эхлүүлж дууссаны дараа тусламж үзүүлэх гээд байгаад багагүй сэтгэл түгшиж байгаагаа илэрхийлжээ.

Энэ бүгдээс үзэхэд Хятадын энэ дэмжлэг нь Ким Жон Ун-ыг цөмийн болон пуужингийн хөтөлбөрөөсөө татгалзах үйл хэрэгт зоригтой алхам хийхэд нь туслаж буй мэт харагдаж байна. БНАСАУ-ын гадаад худалдааны 90 орчим хувь БНХАУ-д оногддог.

Мөн БНХАУ Пхеньянд нефть болон нефтийн бүтээгдэхүүний гол нийлүүлэгч нь юм.

This article is from the earlier niitlelch.mn archive. Original publication date shown above.
🗎 Snapshot (2026-10-24)
Archived copy: we store the source HTML at the moment of crawling. Even if the original is deleted or changed, you can see what it said. The SHA-256 checksum proves the file is unchanged.

⚑ Report an error

Comments (0)

No comments yet.

Log in to comment.