19/05/2018 · niitlelch.mn (Archiv) · Archive

БОДЛЫН ӨНГӨ – Мэдрэлийн “эм” өгөөч

~Мэдрэлийн эм өгөөч~

Нарнаас урьтаж намайг цоо ширтчихээд

Нам гүмхэн сэтгэл чинь догдолж догдолчихоод

Навчсаар хайртай гэж хэлүүлчихээд

Нэг л мэдэхэд зүрхэнд минь заларчихаад

Хатсан хайрыг минь өнчрөөж

Хариу ч харалгүй буцчихлаа.

Юунд минь чи тэгтлээ

Хөл алдан дурласан юм бэ?

Юунаас минь болж чи тэгтлээ

Хорвоод танхайрсан юм бэ?

Бүсгүй сэтгэл

Бүлээцэхийг анзаарсангүй юу

Дагжирсан бие

Дулаацахыг мэдэрсэнгүй юу

Чиний өмнө, уруул дээр аз жаргал бүжихийг

Чиний өмнө, уртаар санаа алдахыг

Тогтож чи ажаагүй юу

Тэврэхийг чи хүсээгүй юу

Үүлэн чөлөөгөөр баярлаж нисдэг өвчтэй болгочихоод

Үдшийн сартай үүрэглэн хүлээдэг болгочихоод

Мөрөөдлийнхөө мананд солиорсон юм шиг согтуу

болгочихоод

Мэдрэлд уух ганцхан ширхэг эм өгчихгүй дээ.

This article is from the earlier niitlelch.mn archive. Original publication date shown above.
🗎 Snapshot (2026-10-24)
Archived copy: we store the source HTML at the moment of crawling. Even if the original is deleted or changed, you can see what it said. The SHA-256 checksum proves the file is unchanged.

⚑ Report an error

Comments (0)

No comments yet.

Log in to comment.