29/05/2018 · niitlelch.mn (Archiv) · Archive

Гэнэтийн ослын даатгалгүй хүүхэд морин уралдаанд оролцохгүй

Төв аймгийн Баяндэлгэр сумын “Шувуун саарал” уяачдын холбооноос зохион байгуулах нэрт уяач Д.Батсүх агсны нэрэмжит “Хушингын хурд-2018” уралдаан ирэх зургадугаар сарын 3-нд болно.

Тус сумын Цомбын овоонд болох уралдаанд уяачид их морь, соёолон насны хүлгээ уралдуулах бөгөөд зөвхөн соёолонгийнхоо шандасыг сорих уяачаас 50 мянган төгрөгийн хураамж авах юм байна.

~Төв аймгийн Баяндэлгэр сумд “Хушингын хурд-2018” уралдаан болно~

Хүүхдийн төлөө үндэсний төвийн санамжийн дагуу уралдаанч хүүхдүүд хамгаалалтын малгай, цээживч, тохойвч, өвдгөвч зэрэг хамгаалалтын хэрэгслээр хангагдсан тохиолдолд уралдаанд оролцуулах аж.

Иймд уралдаанч хүүхдийг гэмтэж бэртэхээс сэргийлэх, хамгаалах хэрэгсэл өмсүүлэх, аюулгүй байдлыг хангах үүргийг тухайн уяачид хариуцах шаардлагатай юм.

Уралдаанч хүүхэд бүр гэнэтийн ослын даатгалд хамрагдсан байх шаардлагатай ба морьдыг бүртгүүлэхдээ уралдаанч хүүхдийн даатгалыг шалгах бөгөөд даатгал хийлгээгүй тохиолдолд уралдаанд оролцуулахгүй гэнэ.

This article is from the earlier niitlelch.mn archive. Original publication date shown above.
🗎 Snapshot (2026-10-24)
Archived copy: we store the source HTML at the moment of crawling. Even if the original is deleted or changed, you can see what it said. The SHA-256 checksum proves the file is unchanged.

⚑ Report an error

Comments (0)

No comments yet.

Log in to comment.