30.05.2018 · niitlelch.mn (Archiv) · Archiv

Шатрын УАШТ-ний ялагчид тодорлоо

~Шатрын улсын аварга шалгаруулах тэмцээн Архангай аймагт болж өндөрлөлөө~

Архангай аймагт зохиогдсон насанд хүрэгчдийн Улсын аварга шалгаруулах тэмцээнд эрэгтэй эмэгтэй нийт 24 тамирчин оюун ухаанаа уралдуулснаас эрэгтэй ангилалд “Сүлд” спорт хороо, “Чингис” клубийн тамирчин олон улсын мастер Сумъяагийн Билгүүн анх удаагаа улсын аварга боллоо.

Тэмцээний дэд байрт Орхон аймаг, “Хангарьд” клубийн тамирчин олон улсын мастер Намхайн Баттулга, гуравдугаарт байрт Өвөрхангай аймгийн тамирчин олон улсын мастер Гомбосүрэнгийн Мөнхгал шалгарчээ.

Эмэгтэйчүүдийн ангилалд “Алдар” спорт хорооны тамирчин олон улсын эмэгтэй их мастер Батхуягийн Мөнгөнтуул хожигдолгүй түрүүлсэн бол Хэнтий аймаг, “Кайсса” клубийн тамирчин олон улсын шатрын холбооны эмэгтэй мастер Төрмөнхийн Мөнхзул дэд байр, олон улсын эмэгтэй мастер Дуламсүрэнгийн Янжиндулам гуравдугаар байр эзэлж хүрэл медаль зүүжээ.

Харин гавьяат тамирчин Түвшинтөгсийн Батчимэг, олон улсын мастер Энхсайханы Хулан нар хараахан медальд хүч чадалгүй дөрөв болон тавдугаар байр эзэлжээ.

Dieser Artikel stammt aus dem früheren niitlelch.mn-Archiv. Ursprüngliches Datum oben.
🗎 Archivkopie (2026-10-24)
Archivkopie: Wir speichern das HTML der Quelle zum Zeitpunkt des Abrufs. Auch wenn das Original gelöscht oder geändert wird, bleibt nachlesbar, was dort stand. Die SHA-256-Prüfsumme belegt, dass die Datei unverändert ist.

⚑ Fehler melden

Kommentare (0)

Noch keine Kommentare.

Zum Kommentieren bitte anmelden.