15/06/2018 · niitlelch.mn (Archiv) · Archive

Хөлбөмбөгийн ДАШТ болох алдарт 12 ЦЭНГЭЛДЭХ ХҮРЭЭЛЭН-тэй танилц

~Хөлбөмбөгийн ДАШТ болох алдарт 12 ЦЭНГЭЛДЭХ ХҮРЭЭЛЭН-тэй танилц~

“ЛУЖНИКИ” Цэнгэлдэх хүрээлэн

80.000 хүний суудалтай энэхүү цэнгэлдэх ДАШТ-ий нээлтийн тоглолт, хэсгийн шатны 3 тоглолт, Шөвгийн 16 болон хагас шигшээн 1 тоглолт, ДАШТ-ий Шигшээ тоглолтуудыг хүлээн авна.

2017 онд дахин засварлагдаж үүд хаалгаа нээсэн тус цэнгэлдэх хүрээлэнд нээлтийн тоглолтыг 2017 оны 11-р сарын 11-ны өдөр ОХУ – Аргентиний шигшээ багууд хийж байсан юм.

“КОСМОС” Арена цэнгэлдэх хүрээлэн

ОХУ-ын Самара хотын Космос Арена.

Хэсгийн шатны 4 тоглолт, Шөвгийн 16-ийн 1 тоглолт, Шөвгийн 8-ын 1 тоглолт энэхүү цэнгэлдэх хүрээлэнд явагдана.

Суудлын тоо 45.000

“ЕКАТЕРИНБУРГ” Арена цэнгэлдэх хүрээлэн

Екатеринбургийн төв цэнгэлдэх хүрээлэн.

45.000 хүний суудалтай тус цэнгэлдэх хүрээлэнд хэсгийн шатны 4 тоглолт явагдана.

FIFA-ийн зүгээс ДАШТ явагдах цэнгэлдэхүүд дундаас тоглолт зохион байгуулахад хангалттай хэмжээнд хүрээгүй хэмээн шүүмжлэлд өртөж байсан удаатай. Улмаар 2015 онд засварын ажлууд эхэлж, 2017 онд бэлэн болгожээ.

“ФИШТ” Цэнгэлдэх хүрээлэн

Хар тэнгисийн эрэгт орших Сочи хотын Олимпийн цэнгэлдэх хүрээлэн.

48.000 хүний суудалтай тус цэнгэлдэхэд хэсгийн шатны 4 тоглолт, шөвгийн 16-ийн 1 тоглолт, шөвгийн 8-ын нэг тоглолт явагдана.

Сочид болсон Өвлийн Олимпийн дараа дахин засвар хийж, 2016 онд бэлэн болгожээ. Тус цэнгэлдэх хүрээлэнгийн дээвэр нь нээгдэж, хаагддаг гэдгээрээ онцлог юм.

“ЕКАТЕРИНБУРГ” Арена цэнгэлдэх хүрээлэн

Калининград хотын Балтика цэнгэлдэх хүрээлэн.

35.212 хүний суудалтай тус байгууламж ДАШТ-д зориулж шинээр барьсан цэнгэлдэх хүрээлэнгүүдийн нэг. Тус цэнгэлдэх хүрээлэнд хэсгийн шатны 4 тоглолт явагдана.

Казан хотод байрлах тус цэнгэлдэх хүрээлэн 45.000 хүний суудалтай.Хэсгийн шатны 4 тоглолт, Шөвгийн 16 болон Шөвгийн 8-ын тус бүр 1 тоглолт явагдана.

“МОРДОВИЯ” Арена цэнгэлдэх хүрээлэн

Саранск хотноо байрлах тус байгууламж 45.000 хүний суудалтай. Хэсгийн шатны 4 тоглолт хүлээн авна.

Тус цэнгэлдэхийн нэрийг ДАШТ-ий үеэр Саранск Арена хэмээн нэрлэх юм.

“НИЖНИЙ НОВГОРОД” Цэнгэлдэх хүрээлэн

Нижний Новгород хотынхоо нэрээр нэрлэгдсэн цэнгэлдэх хүрээлэн.

45.000 хүний суудалтай тус цэнгэлдэхэд хэсгийн шатны тоглолтууд, шөвгийн 16, шөвгийн 8-ын тоглолтууд явагдана. — with А.М Уугантуяа М.А.

“РОСТОВ” Арена цэнгэлдэх хүрээлэн

Дон мөрний эрэгт орших Донын Ростов хотын Ростов Арена. 45.000 хүний суудалтай тус байгууламжид хэсгийн шатны болон шөвгийн 16-ийн тоглолтууд явагдана.

Шинээр баригдсан тус цэнгэлдэх хүрээлэн 2018 оны 4-р сарын 15-нд ОХУ-ийн дотоодын лигийн Ростов – Хабаровск багуудын тоглолтоор үүд хаалгаа нээж байжээ.

“ОТКРЫТИЕ” Арена цэнгэлдэх хүрээлэн

Алдарт Спартак клубын гэр болсон тус цэнгэлдэх 42.000 хүний суудалтай. Москва хотод байрлах энэхүү байгууламж ДАШТ-ий хэсгийн шатны болон шөвгийн 16-ийн тоглолтуудыг хүлээн авна.

“САНКТ-ПЕТЕРБУРГ” Цэнгэлдэх хүрээлэн

Санкт-Петербург хотын Крестовский цэнгэлдэх хүрээлэн. Зенит Арена гэх нь ч бий. Энд Зенит клуб өөрсдийн тоглолтоо хийдэг.

68.000 хүний суудалтай тус цэнгэлдэх хэсгийн шатны 4 тоглолт, шөвгийн 8, хагас шигшээ, хүрэл медалийн төлөөх тоглолтуудыг хүлээн авна.

Шинээр засварлагдсан тус цэнгэлдэх 2017 оны 4-р сард нээлтээ хийсэн юм. Тус байгууламжийг барихад 1 тербум доллар шаардагдсан гэдэг. Ингэснээр хамгийн өндөр өртөгтэй цэнгэлдэх хүрээлэнгүүдийн нэг болсон юм.

“ВОЛГОГРАД” Арена Цэнгэлдэх хүрээлэн

2018 онд ашиглалтанд орсон Волгоград Арена 45.000 хүний суудалтай. Хэсгийн шатны 4 тоглолтыг хүлээн авна.

This article is from the earlier niitlelch.mn archive. Original publication date shown above.
🗎 Snapshot (2026-10-24)
Archived copy: we store the source HTML at the moment of crawling. Even if the original is deleted or changed, you can see what it said. The SHA-256 checksum proves the file is unchanged.

⚑ Report an error

Comments (0)

No comments yet.

Log in to comment.