18/06/2018 · niitlelch.mn (Archiv) · Archive

Киргизийн экс Ерөнхий сайд авлигын хэргээр саатуулагдлаа

~Киргизийн экс Ерөнхий сайд авлигын хэргээр саатуулагдлаа~

Киргиз Улсын Ерөнхий сайд асан Сапар Исаковыг авлигын хэрэгт сэжиглэн шалгаж, тус улсын хууль сахиулах байгууллага баривчиллаа гэж Үндэсний аюулгүй байдлын хорооны хэвлэлийн төлөөлөгч мэдээлсэн байна.

Тэрбээр Бишкек хотын Первомай дүүргийн шүүх Сапар Исаковт авах арга хэмжээний тухай шийдвэрээ өөрчилсөн учир түүнийг мөрдөн шалгах ажиллагаа явагдаж дуусах хүртэл тэр тус хорооны хорих байранд саатуулагдах болно гэжээ.

Мөн тэрбээр “Ерөнхий сайд асан Сапар Исаков Бишкек хотын Дулаан түгээх сүлжээг засварлахтай холбоотой авлигын хэрэгт шалгагдаж, хилээр гарах эрхээ хязгаарлуулж байсан” гэжээ.

Исаков Киргиз Улсын ерөнхий сайдаар өнгөрсөн оны 8 дугаар сард томилогдон, хагас жил ажилласан боловч Парламентын шийдвэрээр түүнийг огцруулжээ.

Исаков өмнө нь Киргиз Улсын Ерөнхийлөгчийн гадаад бодлогын зөвлөх, Тамгын газрын даргаар ажиллаж байжээ.

This article is from the earlier niitlelch.mn archive. Original publication date shown above.
🗎 Snapshot (2026-10-24)
Archived copy: we store the source HTML at the moment of crawling. Even if the original is deleted or changed, you can see what it said. The SHA-256 checksum proves the file is unchanged.

⚑ Report an error

Comments (0)

No comments yet.

Log in to comment.