26/01/2017 · niitlelch.mn (Archiv) · Archive

Эрүүгийн хуулийн шинэчлэлийн талаар ажлын хэсэг хуралдлаа

Linked automatically by name · ⚑ Report an error

Эрүүгийн хуульд нэмэлт, өөрчлөлт оруулах тухай, Эрүүгийн хуулийг дагаж мөрдөх журмын тухай хуульд нэмэлт, өөрчлөлт оруулах тухай хуулийн төслүүдийг Улсын Их Хурлын чуулганы нэгдсэн хуралдаанаар хэлэлцүүлэх бэлтгэл хангах, санал, дүгнэлтийн төсөл боловсруулах үүрэг бүхий ажлын хэсгийн хуралдаан боллоо. Хууль зүйн байнгын хорооны 2017 оны 04 тоот тогтоолоор тус ажлын хэсгийг байгуулахаар шийдвэрлэсэн юм.

Ажлын хэсгийн ахлагч, Улсын Их Хурлын гишүүн Х.Нямбаатар даргалсан өнөөдрийн хуралд Улсын Их Хурлын гишүүн Л.Болд, Ж.Ганбаатар, Б.Дэлгэрсайхан болон ажлын хэсгийн бүрэлдэхүүнд багтсан Хууль зүй, дотоод хэргийн яам, Улсын дээд шүүх, Улсын ерөнхий прокурорын газар, Тагнуулын ерөнхий газар, Авилгатай тэмцэх газрын холбогдох албан тушаалтнууд, мэргэжилтнүүд, МУИС болон ХСИС-ийн багш, судлаачид, ТББ-ын төлөөлөл оролцлоо.

Хуулийн төслүүдийн үзэл баримтлалын танилцуулгыг Хууль зүй, дотоод хэргийн яамнаас танилцуулсан бөгөөд хурлын үеэр ажлын хэсгийн гишүүд зарим зүйлийг тодруулан, санал солилцсон юм.

This article is from the earlier niitlelch.mn archive. Original publication date shown above.
🗎 Snapshot (2026-10-24)
Archived copy: we store the source HTML at the moment of crawling. Even if the original is deleted or changed, you can see what it said. The SHA-256 checksum proves the file is unchanged.

⚑ Report an error

Comments (0)

No comments yet.

Log in to comment.