27/06/2018 · niitlelch.mn (Archiv) · Archive

Трампын Үндэсний аюулгүй байдлын зөвлөх Москвад айлчилна

~Трампын Үндэсний аюулгүй байдлын зөвлөх Москвад айлчилна~

Доналд Трампын Үндэсний аюулгүй байдлын асуудал эрхэлсэн зөвлөх Жон Болтон Москва хотод ОХУ-ын гадаад хэргийн сайд Сергей Лавровтой яриа хэлэлцээ хийнэ.

С.Лавровтой тэрбээр АНУ-ын Ерөнхийлөгч Дональд Трамп болон ОХУ-ын төрийн тэргүүн Владимир Путин нарын хийж магадгүй уулзалтын талаар хэлэлцэх аж.

ОХУ-ын төрийн тэргүүнтэй удахгүй уулзана гэж найдаж байна хэмээн Д.Трамп энэ сарын дундуур өгсөн нэгэн ярилцлагадаа дурдсанаас хойш өндөр дээд хэмжээнд яриа хэлэлцээ хийх бэлтгэл ажлын асуудлаархи хоёр улсын эрх баригчдын харилцаа холбоо нэлээд эрчимтэй болоод байгаа юм.

Хоёр улсын удирдагчдын уулзалт НАТО буюу Умард Атлантын гэрээний байгууллагын дээд хэмжээний уулзалт болохын өмнө юмуу дараа болж магадгүй байгаа тухай “Times” сонин мэдээлсэн байна.

Түүнчлэн барууны зарим хэвлэл мэдээллийн хэрэгслүүдийн мэдээлж байгаагаар, уулзалт Финландын Хельсинки хотод болж магадгүй байна.

This article is from the earlier niitlelch.mn archive. Original publication date shown above.
🗎 Snapshot (2026-10-24)
Archived copy: we store the source HTML at the moment of crawling. Even if the original is deleted or changed, you can see what it said. The SHA-256 checksum proves the file is unchanged.

⚑ Report an error

Comments (0)

No comments yet.

Log in to comment.