30/07/2018 · niitlelch.mn (Archiv) · Archive

СХЗ: Даатгалын банкны зуучлагчийн шалтгалтад 29 иргэн тэнцлээ

~СХЗ: Даатгалын банкны зуучлагчийн шалтгалтад 29 иргэн тэнцлээ~

Даатгалын мэргэжлийн оролцогчийн үйл ажиллагаа эрхлэх тусгай зөвшөөрөл, зөвшөөрөл, бүртгэлийн журам”-нд зааснаар даатгалын зуучлагчийн үйл ажиллагаа эрхлэх тусгай зөвшөөрөл хүсэгч нь холбогдох сургалтад хамрагдаж, шалгалтад тэнцсэн байх гэсэн шаардлага тавигддаг.

Дээрх журмын дагуу Хорооноос Монголын банкны холбоотой байгуулсан хамтран ажиллах гэрээний дагуу “Даатгалын банкны зуучлагчийн эрх олгох сургалт”-ыг энэ сарын хоёрноос 20-ны өдрүүдэд зохион байгуулж, шалгалтад есөн банкны 61 ажилтан хамрагдсанаас 29 нь тэнцлээ.

Сургалтыг санхүүгийн зохицуулах хороо, Монгол даатгал, Хаан даатгал, Нeйшнл Лайф даатгал, Голомт банк, Хаан банк, Худалдаа хөгжлийн банк, Монголын Банкны Холбооны сургагч багш нар 17 хоногийн турш удирдан явуулсан бөгөөд сургалтаар даатгалын зах зээлийн эрх зүйн зохицуулалт, урт хугацааны даатгал, албан журмын даатгалын гэрээ байгуулах арга зүй, даатгалын нөхөн төлбөр болон даатгалын банкны зуучлагчийн ёс зүй зэрэг сэдвээр мэдлэг олгосон байна гэж Санхүүгийн зохицуулах хорооноос мэдээллээ

This article is from the earlier niitlelch.mn archive. Original publication date shown above.
🗎 Snapshot (2026-10-24)
Archived copy: we store the source HTML at the moment of crawling. Even if the original is deleted or changed, you can see what it said. The SHA-256 checksum proves the file is unchanged.

⚑ Report an error

Comments (0)

No comments yet.

Log in to comment.