23/08/2018 · niitlelch.mn (Archiv) · Archive

Өнөөдрийн хуанли

Linked automatically by name · ⚑ Report an error

~Наймдугаар сарын 23-нд болох үйл явдал~

09.00 цагт “Хил дамжин халдварладаг мал, амьтны халдварт өвчний хяналт” сэдэвт Ази-Номхон далайн орнуудын бүсийн зөвлөгөөн “Корпорэйт Конвеншн Центер”-т 2 дахь өдрөө үргэлжилнэ. Холбоо барих утас: 9306-9999.

10.00 цагт НИТХ дахь АН-н бүлгийн хурал НЗДТГ-н “А” танхимд болно. Бүлгийн хурлаар улс, нийслэлийн төсвийн хөрөнгө оруулалтаар хийгдэж буй ажлын явцын мэдээллийг сонсоно. Бүлгийн хуралд Нийслэлийн засаг даргын орлогч нар, Хотын ерөнхий менежер, харьяа байгууллагын удирдлагууд оролцоно.

11.00 цагт МҮЭХ-ноос Засгийн газрын цалин нэмэгдүүлэх чиглэлээр гаргасан, нийгмийн түншлэл, гэрээ хэлэлцээрийн зарчмыг зөрчсөн, ҮЭ, ард иргэдийнхээ саналыг үл тоомсорлосон шийдвэрийг хүлээн авах боломжгүй, ажил хаялтыг эхлүүлэх болсноо мэдээлэх шуурхай хэвлэлийн бага хурал өөрийн байранд зохион байгуулна.

11:30 цагт Үндэсний мэдээллийн төвд “Сайн энергийн төв” ТББ-аас “Ub palace”-д Эрүүл мэндийн лекц зохион байгуулах талаар мэдээлэл хийнэ.

13.00 цагт Манай улсад айлчилж буй БНХАУ-ын Гадаад хэргийн сайд Ван И-гийн айлчлал эхэлж ГХЯ-нд Монгол Улсын Гадаад харилцааны сайд Д.Цогтбаатартай хэлэлцээ хийнэ.

This article is from the earlier niitlelch.mn archive. Original publication date shown above.
🗎 Snapshot (2026-10-24)
Archived copy: we store the source HTML at the moment of crawling. Even if the original is deleted or changed, you can see what it said. The SHA-256 checksum proves the file is unchanged.

⚑ Report an error

Comments (0)

No comments yet.

Log in to comment.