28.08.2018 · niitlelch.mn (Archiv) · Archiv

Солонгосын смарт карт компанийн дэд Ерөнхийлөгчтэй уулзлаа

~Солонгосын смарт карт компанийн дэд Ерөнхийлөгчтэй уулзлаа~

Нийслэлийн Засаг даргын орлогч П.Баярхүү Солонгос улсын Смарт карт компанийн дэд ерөнхийлөгч Чой Дун Вакыг хүлээн авч уулзлаа. Монгол Улс, БНСУ-тай 1990 онд дипломат харилцаа тогтоож байсан.

Олон жилийн турш найрсаг харилцаатай, олон улсын түвшинд ч бие биенээ харилцан дэмжиж ирсэн уламжлалтай. Хоёр улсын харилцаа “Иж бүрэн түншлэл”-ийн хүрээнд, нийгмийн бүхий л салбарт өргөжин тэлж байгаа билээ.

Улаанбаатар болон Сөүл хотууд 1995 оноос ах дүүгийн харилцаа тогтоосноос хойш хамтын ажиллагаа соёл, боловсрол, эрүүл мэнд, нийтийн тээвэр, ногоон байгууламж, хот төлөвлөлт зэрэг бүхий л салбарт амжилттай хамтран ажиллаж байгаа юм.

Хоёр хотын хамтын ажиллагаа өргөжиж байгаад туйлын сэтгэл хангалуун байгаагаа Солонгос улсын смарт карт компанийн дэд Ерөнхийлөгч Чой Дун вук илэрхийллээ.

Хоёр хот олон салбарт хамтран ажиллахын зэрэгцээ нийтийн тээврийн салбарт, смарт картыг хэрэглээнд нэвтрүүлэх, цаашид өргөжүүлж хөгжүүлэх талаар санал солилцож, цаашид хамтран ажиллах талаар уулзалт боллоо.

Dieser Artikel stammt aus dem früheren niitlelch.mn-Archiv. Ursprüngliches Datum oben.
🗎 Archivkopie (2026-10-24)
Archivkopie: Wir speichern das HTML der Quelle zum Zeitpunkt des Abrufs. Auch wenn das Original gelöscht oder geändert wird, bleibt nachlesbar, was dort stand. Die SHA-256-Prüfsumme belegt, dass die Datei unverändert ist.

⚑ Fehler melden

Kommentare (0)

Noch keine Kommentare.

Zum Kommentieren bitte anmelden.