03.02.2017 · niitlelch.mn (Archiv) · Archiv

Ерөнхий боловсролын II сургуулийн сурагчид үзэсгэлэн гаргалаа

1948 онд ардын бага хурлын 10 р тогтоолоор ЕБ-ын 2-р сургуулийг Сүхбааатарын нэрэмжит сургууль болгосон түүхтэй. Энэ ойн өдөр 2 сургуулийн сурагчид гэрэл зургийн үзэсгэлэн гаргаж, жанжины амьдрал замналаар илтгэл тавьж мэдлэг мэдээлэлээ хуваалцсан байна.

Өнөөдөр их жанжин Д.Сүхбаатарын төрсөн өдөр тохиож байна. Тэртээх 124 жилийн өмнө цагаан дээлт Дамдины гэрт мэндэлсэн үр хожмоо Монгол орноо харийн түрэмгийлэгчдээс чөлөөлсөн хувьсгалын үйл хэргийг удирдаж ялалтад хүргэсэн гавьяагаараа монгол түмэндээ үеийн үед дурсагдаж буй түүхэн хүн юм. Ардын хувьсгалын их удирдагч, жанжин Д.Сүхбаатараар овоглосон 2-р сургуулийн сурагчид түүхэн үеийг харуулсан зургийн үзэсгэлэн болоод илтгэлийн тэмцээнийг зохион байгууллаа.

Сурагчид Ардын хувьсгалын үеийн амьдрал, жанжин Д.Сүхбаатарын цэргийн баатарлаг гавьяаны талаар судлаж ийнхүү зургийн бүтээлээ гаргасан байна.Түүнчлэн түүхэд ямар гавьяа байгуулсныг сурагчдад танин мэдүүлэх үүднээс илтгэл хэлэлцүүлсэн юм.

Сүхбаатарын нэрэмжит 2-р бүрэн дунд сургууль нь жил бүрийн энэ өдөр түүхэн гавьяаг эргэн дурсаж арга хэмжээ зохион байгуулдаг юм. Энэ удаа дунд болон ахлах ангийн сурагчид эх түүхээ мэдүүлэх, баяжуулж дэлгэрүүлэх  зорилгоор ийнхүү илтгэл болоод зургийн үзэсгэлэнг гаргалаа.

Dieser Artikel stammt aus dem früheren niitlelch.mn-Archiv. Ursprüngliches Datum oben.
🗎 Archivkopie (2026-10-24)
Archivkopie: Wir speichern das HTML der Quelle zum Zeitpunkt des Abrufs. Auch wenn das Original gelöscht oder geändert wird, bleibt nachlesbar, was dort stand. Die SHA-256-Prüfsumme belegt, dass die Datei unverändert ist.

⚑ Fehler melden

Kommentare (0)

Noch keine Kommentare.

Zum Kommentieren bitte anmelden.