22/11/2016 · niitlelch.mn (Archiv) · Archive

Б.Цолмон туялзуур сэлэмний Азийн зэрэглэлийн шүүгч боллоо

Монголын туялзуур сэлэмний шилдэг тамирчдын нэг Батхүүгийн Цолмон Японы токио хотноо болсон Азийн Туялзуур Сэлэмний Холбооны шүүгчийн шалгалтанд тэнцэж Азийн зэрэглэлийн 2 дахь шүүгч болжээ.

Б.Цолмон нь “УБ Фенсинг” клубын тамирчин бөгөөд Спортын мастер цолтой юм. Тэрбээр “БРБ” Үндэсний чансааны номерь хоёрт бичигддэг бөгөөд 2014 болон 2016 онуудад улсын аваргын алтан медаль 2015 оны гранпри тэмцээний мөн алтан медаль 2015 оны УАШТ-д мөнгөн медаль тус тус хүртэж байсан. Мөн тэрээр тив дэлхийн олон тэмцээнүүдэд амжилттай оролцож байсан  манай улсын туялзуур сэлэмний урдаа барьдаг шилдэг тамирчин билээ.

Азийн зэрэглэлийн шүүгч болсноор ази тивд зохиогдож байгаа тэмцээнүүдийг шүүх эрхтэй болж байгаа бөгөөд FIE буюу Олон Улсын Сэлэмний холбооны сургалтанд хамрагдсанаар олон улсын С зэрэглэлийн тэмцээнүүдийг шүүх боломжтой болох юм байна.

This article is from the earlier niitlelch.mn archive. Original publication date shown above.
🗎 Snapshot (2026-10-24)
Archived copy: we store the source HTML at the moment of crawling. Even if the original is deleted or changed, you can see what it said. The SHA-256 checksum proves the file is unchanged.

⚑ Report an error

Comments (0)

No comments yet.

Log in to comment.