18/10/2018 · niitlelch.mn (Archiv) · Archive

Олон улсын стандартад нийцсэн БЯСЛАГ хийх боломж бий

Linked automatically by name · ⚑ Report an error

Хүнс, хөдөө аж ахуй, хөнгөн үйлдвэрийн яамны Жижиг, дунд үйлдвэр, хоршооны бодлогын хэрэгжилтийг зохицуулах газрын дарга Я.Эрдэнэсайхан, мэргэжилтэн Б.Мөнхцэцэг нар Монголиан Артизан Чийз Мейкэрс Юнион ХХК-ийн гүйцэтгэх захирал Майкл Морроутай уулзав.

Уулзалтаар ноён Майкл Морроу компанийхаа үйл ажиллагааг танилцуулж, Монголын сүүнээс олон улсын стандартад нийцсэн бяслаг боловсруулан гаргах, бяслаг үйлдвэрлэгчдийг бэлтгэх сургалтын төв байгуулан ажиллаж байгаа талаараа ярилаа.

Түүний үзэж байгаагаар бол, бяслагийн үйлдвэрлэл нь Монголын нэрийн хуудас болсон бүтээгдэхүүн болох бүрэн боломжтой бөгөөд бие даасан салбар болгон хөгжүүлэх нь зүйтэй.

Малын гаралтай түүхий эдээр өндөр чанартай бяслаг үйлдвэрлэж, улмаар бүтээгдэхүүнээ олон улсын зах зээлд гаргах боломж бий. Гол нь хууль эрх зүйн орчныг бүрдүүлэх хэрэгтэй байна” гэв.

Талууд бяслагийн үйлдвэрлэлийн өнөөгийн байдал, зах зээл, хууль эрх зүйн орчныг сайжруулах, үйлдвэрлэлийн хэмжээ, хүчин чадлыг нэмэгдүүлэх тал дээр санал солилцож, нэгдсэн байр сууринд хүрсэн юм.

This article is from the earlier niitlelch.mn archive. Original publication date shown above.
🗎 Snapshot (2026-10-24)
Archived copy: we store the source HTML at the moment of crawling. Even if the original is deleted or changed, you can see what it said. The SHA-256 checksum proves the file is unchanged.

⚑ Report an error

Comments (0)

No comments yet.

Log in to comment.