2018.10.24 · niitlelch.mn (Archiv) · Архив

ХХААХҮЯ: Ургац хураалт маргааш дуусна

ХХААХҮЯ болон Ургацын төв штабын урьдчилсан мэдээллээр аравдугаар сарын 25-наар улсын хэмжээнд ургац хураалт дуусахаа мэдэгдлээ. Аравдугаар сарын 23-ны байдлаар улсын хэмжээнд ургац хураалтын ажил дунджаар 84.1 хувьтай байв.

Энэ нь гурав хоногийн өмнөх дүнтэй харьцуулахад 7 хувиар өссөн үзүүлэлт аж. Таримлын төрлөөр авч үзвэл, үр тарианы 82.9 хувь, төмсний 99.9 хувь, хүнсний ногооны 99.9 хувь, тэжээлийн 80.6 хувь, тосны ургамлын 57.3 хувийг хураан аваад байна.

Аравдугаар сарын 23-ны байдлаар 51 мянган га-г ангилан хадаж, нийт 283.2 мянган га-гаас 373.4 мянган тонн үр тариа, үүнээс 358.1 мянган тонн улаанбуудай, 13 мянган га-гаас 160.5 мянган тонн төмс,

8.3 мянган га-гаас 93.2 мянган тонн хүнсний ногоо, 45,5 мянган га-гаас 108,6 мянган тонн тэжээл, 33,1 мянган га-гаас 15,8 мянган тонн тосны ургамал тус тус хураан аваад байна.

Энэ нийтлэл niitlelch.mn-ийн өмнөх архиваас. Анх нийтлэгдсэн огноо дээр заагдсан.
🗎 Архивлагдсан хувь (2026-10-24)
Архивлагдсан хувь: бид эх сурвалжийн HTML-ийг татаж авсан тэр мөчид нь хадгалдаг. Эх нийтлэл устсан, өөрчлөгдсөн ч энд юу бичигдсэн байсныг харж болно. Хяналтын нийлбэр (SHA-256) нь файл өөрчлөгдөөгүйг баталгаажуулна.

⚑ Алдаа мэдэгдэх

Сэтгэгдэл (0)

Сэтгэгдэл алга.

Сэтгэгдэл бичихийн тулд нэвтэрнэ үү.