2018.10.26 · niitlelch.mn (Archiv) · Архив

Согтууруулах ундааг хэтрүүлж хүний аминд хүрчээ!

Баянзүрх дүүргийн нутаг дэвсгэрт өчигдөр /2018.10.25/ архидан согтуурсны улмаас нэгнийнхээ амь насыг бүрэлгэсэн харамсалтай хэрэг гарчээ.

Тодруулбал, тус дүүргийн есдүгээр хорооны нутаг дэвсгэрт оройн 20.00 цагийн орчимд 37 настай Б нь цээжин тус газраа хутгалуулж амиа алдсан гэсэн дуудлага мэдээлэл иржээ.

Дуудлагын дагуу хэргийн газар тус дүүргийн цагдаагийн III хэлтсийн алба хаагчид ажиллажээ. Одоогоор уг хэргийг үйлдсэн байж болзошгүй Т гэгч иргэнийг шалгаж байгаа аж.

Урьдчилсан байдлаар архидан согтуурсан үедээ хувийн таарамжгүй харилцаа үүсгэн маргалдсан гэжээ. Иймд цагдаагийн байгууллагаас архи, согтууруулах ундааны зүйл хэтрүүлэн хэрэглэхгүй байхыг анхаарууллаа.

Энэ нийтлэл niitlelch.mn-ийн өмнөх архиваас. Анх нийтлэгдсэн огноо дээр заагдсан.
🗎 Архивлагдсан хувь (2026-10-24)
Архивлагдсан хувь: бид эх сурвалжийн HTML-ийг татаж авсан тэр мөчид нь хадгалдаг. Эх нийтлэл устсан, өөрчлөгдсөн ч энд юу бичигдсэн байсныг харж болно. Хяналтын нийлбэр (SHA-256) нь файл өөрчлөгдөөгүйг баталгаажуулна.

⚑ Алдаа мэдэгдэх

Сэтгэгдэл (0)

Сэтгэгдэл алга.

Сэтгэгдэл бичихийн тулд нэвтэрнэ үү.