2018.10.31 · niitlelch.mn (Archiv) · Архив

“Сүлд” чуулгын дуучин Ц.Амарболд олон улсын дуурийн дуулаачдын уралдаанд түүчээллээ

Цагдаагийн “Сүлд” чуулгын дуучин Ц.Амарболд БНХАУ-д болсон олон улсын дуурийн дуулаачдын “А” зэрэглэлийн “Ningbo Music international central vocal competition -2018” уралдаанд тэргүүн байр эзэллээ.

Тэрбээр 17 орны 368 дуучинтай өрсөлдөж тэргүүлээд зогсохгүй, Хятад дууг хамгийн сайн дуулсан “Шилдэг дуучин” номинацийн эзэн болсон юм.

Цагдаагийн “Сүлд” чуулгын дуучин Ц.Амарболд

Ц.Амарболд нь 2017 онд ОХУ-ын Ардын жүжигчин Л.Л.Линховоиний нэрэмжит мэргэжлийн дуурийн дуулаачдын олон улсын арванхоёрдугаар уралдааны III байр эзлэн, “Шилдэг басс” хоолойтой дуучнаар шалгарч, мөн ондоо Монгол Улсын хөдөлмөрийн баатар, ардын жүжигчин, төрийн шагналт Д.Лувсаншаравын нэрэмжит уралдаанд II байр эзэлсэн зэрэг амжилтыг үзүүлж байжээ.

Ийнхүү цагдаагийн “Сүлд” чуулгаас олон улсын “А” зэрэглэлийн уралдаанд оролцож тэргүүн байрын шагнал хүртсэн хоёр дахь дуучин төрж байна.

2011 онд М.И.Глинкийн нэрэмжит дуурийн дуулаачдын олон улсын XXIV уралдаанд “Чингис хаан” одонт, Монгол Улсын гавьяат жүжигчин Г.Ариунбаатар тэргүүн байр эзэлж, “Шилдэг баритон хоолойтой дуучин” шагналыг хүртэж байсан билээ.

Энэ нийтлэл niitlelch.mn-ийн өмнөх архиваас. Анх нийтлэгдсэн огноо дээр заагдсан.
🗎 Архивлагдсан хувь (2026-10-24)
Архивлагдсан хувь: бид эх сурвалжийн HTML-ийг татаж авсан тэр мөчид нь хадгалдаг. Эх нийтлэл устсан, өөрчлөгдсөн ч энд юу бичигдсэн байсныг харж болно. Хяналтын нийлбэр (SHA-256) нь файл өөрчлөгдөөгүйг баталгаажуулна.

⚑ Алдаа мэдэгдэх

Сэтгэгдэл (0)

Сэтгэгдэл алга.

Сэтгэгдэл бичихийн тулд нэвтэрнэ үү.