15/02/2017 · niitlelch.mn (Archiv) · Archive

Шинжаанд хутгатай этгээдүүд найман хүний амийг хөнөөжээ

Хятадын Шинжааний өөртөө засах мужид хутгаар зэвсэглэсэн халдлага гарч, найман хүний амь үрэгдсэн тухай орон нутгийн хэвлэлүүд мэдээллэжээ.

Хутгатай гурван этгээд хүмүүс рүү довтолсныг цагдаа нар буудан хөнөөсөн байна. Нийт 10 хүн халдлагад өртсөний тав нь эмнэлэгт хүрэх замдаа амь үрэгдсэн байна.

Ямар зорилгоор халдлага үйлдсэн нь тодорхойгүй байгаа ба хэргийг эрх баригчид шалгаж эхэлсэн тухай орон нутгийн хэвлэлд мэдээлжээ. Сүүлийн жилүүдэд Шинжаанд олон удаагийн зэвсэгт халдлага гарсныг Бээжин Уйгарын салан тусгаарлагчидтай холбоотой байх магадлалтай юм байна.

Өнгөрсөн арванхоёрдугаар сард Каракаш аймгийн коммунист намын байранд автомашинтай этгээдүүд довтлон орж, бөмбөг дэлбэлсэн хэрэг гарч байсан. Үүний улмаас нэг хүний амь үрэгдэж, дөрвөн халдагчийг буудаж хөнөөсөн юм.

Өчигдрийн хэрэг гарсан Пишан аймаг нь Шинжааны баруун хэсэгт оршдог, Энэтхэг, Пакистан улстай хиллэдэг бүс ажээ.

This article is from the earlier niitlelch.mn archive. Original publication date shown above.
🗎 Snapshot (2026-10-24)
Archived copy: we store the source HTML at the moment of crawling. Even if the original is deleted or changed, you can see what it said. The SHA-256 checksum proves the file is unchanged.

⚑ Report an error

Comments (0)

No comments yet.

Log in to comment.