niitlelch.mn · Snapshot Archived: 2026-10-24 21:23 UTC Source: https://niitlelch.mn/%d0%bd%d0%b8%d0%b9%d0%b3%d1%8d%d0%bc/%d0%b4%d0%be%d1%80%d0%bd%d0%be%d 682b3763a448cc4b… ← back to niitlelch.mn

Дорнод-Манжуур чиглэлд нийтийн тээвэр үйлчилж эхэллээ

Дорнод аймгаас БНХАУ-ын Манжуур хотын чиглэлд улс хоорондын зорчигч тээвэрлэлт тодорхой хугацаагаар зогсоод байсан бол өнөөдөр буюу 11 дүгээр сарын 2-ны өдрөөс Дорнод-Манжуур-Дорнод чиглэлийн зорчигч тээврийн автобус үйлчилж эхэллээ.

Энэхүү чиглэлд Монгол улсын талаас “Тал нутгийн Хэрлэн”, “Монгол аялал” ХХК-иуд Дорнод аймгийн Авто тээврийн төвтэй гэрээ байгуулан, зорчигч тээвэрлэж байна.

Хуваарийн дагуу Даваа-Баасан гаригт тогтмол өглөө 07:30 цагаас Авто тээврийн төвөөс хөдлөх бөгөөд үнийн хувьд нэг талдаа 49.600 төгрөгөөр үйлчлэх юм.