2018.11.03 · niitlelch.mn (Archiv) · Архив

Иргэд УИХ-ыг тарахыг шаардаж МАЙХАНТАЙ жагсав

Нэрээр автоматаар холбосон · ⚑ Алдаа мэдэгдэх

Гэр хороолол хөдөлгөөнөөс УИХ-ыг тарахыг шаардаж майхантай жагсаал зохион байгууллаа. Жагсаалд нийт 200 орчим хүн оролцлоо. Ерөнхийлөгч Х.Баттулга УИХ-ыг тарах асуудлаар зөвшилцөх бичгийг УИХ-ын даргад өргөн барьсан. Ерөнхийлөгчийн энэхүү саналыг жагсаалд оролцогчид дэмжиж буйгаа энэ үеэр илэрхийлсэн юм.

Мөн жагсаалын үеэр УИХ-ыг дэмжиж буй эсэхээр нь иргэдийн гарын үсгийг цуглуулжээ. Нийт 600 орчим хүн УИХ-ыг тарахыг дэмжиж гарын үсгээ зурсан байна. Гэр хороолол хөдөлгөөнөөс уг жагсаалыг бүтэн өдөр хийхээр төлөвлөж байжээ. Харин хотын захиргаанаас 11.00-14.00 цагийн хооронд жагсаал зохион байгуулах зөвшөөрөл олгосон байна. Энэ дагуу 14.00 цагт цагдаа нар ирж майхануудыг буулгаж жагсаалыг албадан тараажээ.

Жагсаалд оролцогчид УИХ-ыг тараах асуудлаар байр сууриа илэрхийлэхдээ “УИХ-ын гишүүд ард түмнээс сонгогдсон. Тиймээс УИХ-ыг тараах эрх нь бидэнд бий. Бид итгэл хүлээлгээд УИХ-д сонгож байхад төсвийн хувьдаа шамшигдуулж өөрсдөдөө авахаас өөр ажил хийхгүй байна. Төсвийн мөнгөө хувьдаа шамшигдуулдаг хүмүүсийг огцруулъя. Биднийг хүлцэнгүй байгаа учраас ингэж даварч байна” гэлээ.

эх сурвалж: мэдээ.мн

Энэ нийтлэл niitlelch.mn-ийн өмнөх архиваас. Анх нийтлэгдсэн огноо дээр заагдсан.
🗎 Архивлагдсан хувь (2026-10-24)
Архивлагдсан хувь: бид эх сурвалжийн HTML-ийг татаж авсан тэр мөчид нь хадгалдаг. Эх нийтлэл устсан, өөрчлөгдсөн ч энд юу бичигдсэн байсныг харж болно. Хяналтын нийлбэр (SHA-256) нь файл өөрчлөгдөөгүйг баталгаажуулна.

⚑ Алдаа мэдэгдэх

Сэтгэгдэл (0)

Сэтгэгдэл алга.

Сэтгэгдэл бичихийн тулд нэвтэрнэ үү.