07/11/2018 · niitlelch.mn (Archiv) · Archive

ОБЕГ: 3546 удаагийн дуудлагаар 890 хүний амь насыг аврав

Он гарсаар улсын хэмжээнд 10 дугаар сарын байдлаар нийт 3546 удаа аюулт үзэгдэл, осол тохиолдож, үүний улмаас 189 хүн амь насаа алдаж, 59 хүн гэмтэж бэртэн 1417.1 мянган толгой мал хорогдож, 18.4 тэрбум төгрөгийн хохирол учирчээ.

Тохиолдсон аюулт үзэгдэл, ослын тоо, хохирлыг өнгөрсөн оны мөн үетэй харьцуулахад аюулт үзэгдлийн тоо 5,7 хувиар, хохирлын хэмжээ 73,6 хувиар тус тус буурчээ.

Эдгээрийн хор уршгаас Онцгой байдлын байгууллагын алба хаагчид 890 хүний амь нас, байгууллага, аж ахуйн нэгж, иргэдийн 34.5 тэрбум төгрөгийн өмч хөрөнгийг авран хамгаалж, гамшигтай тэмцэх, хор уршгийг арилгах ажилд Засгийн газар, Онцгой байдлын алба болон орон нутгаас 10.2 тэрбум төгрөг зарцуулсан байна.

Харин өнгөрсөн оны мөн үетэй харьцуулахад улсын хэмжээнд аюулт үзэгдэл, осолд өртөж нас барсан хүний тоо 4-өөр буурч, гэмтэж бэртсэн хүний тоо 8-аар нэмэгджээ.

Мөн өнгөрсөн оны мөн үетэй харьцуулахад аюулт үзэгдэл, ослоос аварсан хүний тоо 13-аар буурч, аварсан эд хөрөнгө 16.3 тэрбум төгрөгөөр нэмэгдсэн байна.

2018 оны эхний 10 сард тохиолдсон аюулт үзэгдэл, ослын тоог өнгөрсөн онтой харьцуулвал:

МОНГОЛ УЛСАД 2018 ОНЫ ЭХНИЙ 10 САРД ТОХИОЛДСОН АЮУЛТ ҮЗЭГДЭЛ, ОСЛЫН НЭГДСЭН МЭДЭЭ

This article is from the earlier niitlelch.mn archive. Original publication date shown above.
🗎 Snapshot (2026-10-24)
Archived copy: we store the source HTML at the moment of crawling. Even if the original is deleted or changed, you can see what it said. The SHA-256 checksum proves the file is unchanged.

⚑ Report an error

Comments (0)

No comments yet.

Log in to comment.