15/11/2018 · niitlelch.mn (Archiv) · Archive

Нийгэмд үүсээд буй асуудалд Ардчилсан намаас МЭДЭГДЭЛ гаргалаа

Linked automatically by name · ⚑ Report an error

Эрх баригч МАН-ын гишүүдийг тойрсон ЖДҮДС-ын зээл, Засгийн газар тарах асуудалд зэрэг нийгэмд үүсээд буй үйл явдалд АН-аас мэдэгдэл гаргажээ.

МЭДЭГДЭЛД:

Ардчилсан Нам нь иргэдийн боломжийг хулгайлсан болон төрийн албыг худалдсан эрх баригчдын аль нэг бүлэглэлийн талд орохгүй бөгөөд гагцхүү иргэдийнхээ эрх ашгийг хамгаалж, хулгай хийсэн гэмт бүлэглэлүүдэд хариуцлага тооцох асуудал дээр хатуу зарчмын байр суурь баримтална гэдгээ мэдэгдэж байна.

2016 оны ээлжит сонгуулиар 65 суудал авсан эрх баригчид Монголын төрийг сулруулж, гэмт бүлэглэлд хуваагдан тэмцэлдэж буй энэ бужигнаанд Ардчилсан Нам нь аливаа этгээдийн явуургүй улс төрд автахгүй гэдгийг хариуцлагатайгаар мэдэгдье.

Улс орны эдийн засгийн байдал тогтворгүй, иргэдийн бодит орлого нь валютын ханш, шатахуун болон бусад өргөн хэрэглээний барааны үнийн өсөлтөөс шалтгаалж өдөр ирэх бүр унаж буй энэ цаг үед 2016 оны сонгуулийн амлалт болон иргэд сонгогчдын өмнө хүлээсэн үүргээ биелүүлж, Монгол төрийг сулруулж буй хэрүүл маргаанаа цэгцэлж мөрийн хөтөлбөрөө дүгнүүлэхэд үлдэж буй богино хугацааг ухамсарлан ажиллахыг эрх баригчдаас шаардаж байна.

АРДЧИЛСАН НАМ

This article is from the earlier niitlelch.mn archive. Original publication date shown above.
🗎 Snapshot (2026-10-24)
Archived copy: we store the source HTML at the moment of crawling. Even if the original is deleted or changed, you can see what it said. The SHA-256 checksum proves the file is unchanged.

⚑ Report an error

Comments (0)

No comments yet.

Log in to comment.