15.11.2018 · niitlelch.mn (Archiv) · Archiv

Өмнөговь аймаг өвөлжилтийн бэлтгэлийг сайтар базаажээ

Өмнөговь аймагт өвөлжилтийн бэлтгэлтийг 88 хувьтай хангасан төдийгүй аймгийн засаг даргын 05 албан даалгавраар ЕБС-ийн сурагчид, аж ахуйн нэгж, төрийн байгууллагууд 138 тонн хадлан өвс, 5,9 тонн зоодойг бэлтгэж түнш сумд, малчиддаа олгосон байна.

Энэ өвөл Өмнөговь аймгийн 15 сумын 5819 өрхөд 2,6 сая тоо толгой мал сүрэг өвөлжинө. Зун хур бороо элбэгтэй байсан учир мал сүргийн 80 хувь тарга хүч сайн авчээ.

Аймгийн нийт бэлчээрийн 80 хувь өвстэй байгаа төдийгүй улсын болон аймгийн өвс тэжээлийн нөөц бүрдүүлэх ажил төлөвлөгөөний дагуу явж байна.

Тодруулбал аймгийн аюулгүй нөөцөд 100 тонн тэжээл, 100 тонн өвс татахаас 100 тонн өвс, 25 тонн тэжээлийг татаж нөөцөлсөн байна. Үлдэгдэл 80 тонн тэжээл татах ажил төлөвлөгөөний дагуу хийгдэнэ.

Мал аж ахуйн салбарын өвөлжилтийн бэлтгэл аймгийн хэмжээнд 86 хувьтай хангагдсан ба орон нутагт голомтлон гардаг шүлхий, бог малын мялзан гэх мэт долоон төрлийн малын халдварт өвчнөөс сэргийлэх тарилга туулгыг зургаан зуун мянга орчим мал сүрэгт хийсэн байна.

Үүнээс гадна төв суурин дахь өвөлжилтийн бэлтгэлийг сайтар базаажээ. Түлээ нүүрс татан авах, уурын зуухны урсгал засвар, шугам сүлжээний засвар, өргөтгөл зэрэг ажлуудыг төлөвлөж 88 хувьтай хэрэгжүүлсэн байна.

Тодруулбал аймгийн төвд дулааны шугам нэмж байгуулсны зэрэгцээ сумдад шинэ уурын зуух, уурын зуухны засварын ажлыг хийгээд байна.

Dieser Artikel stammt aus dem früheren niitlelch.mn-Archiv. Ursprüngliches Datum oben.
🗎 Archivkopie (2026-10-24)
Archivkopie: Wir speichern das HTML der Quelle zum Zeitpunkt des Abrufs. Auch wenn das Original gelöscht oder geändert wird, bleibt nachlesbar, was dort stand. Die SHA-256-Prüfsumme belegt, dass die Datei unverändert ist.

⚑ Fehler melden

Kommentare (0)

Noch keine Kommentare.

Zum Kommentieren bitte anmelden.