16.11.2018 · niitlelch.mn (Archiv) · Archiv

УИХ-ын гишүүн Б.Наранхүү: Би төлчихнө, та нар тайван бай

УИХ-ын гишүүн Б.Наранхүү болон Б.Саранчимэг нарын дүү ЖДҮХС-аас зээл авсан гэх асуудалд холбогдоод байгаа. Тэгвэл эрхэм гишүүдийн төрсөн дүү болох Б.Одончимэгийн эзэмшлийн “Сингапурхэльткейр сентр” ХХК 2018 оны наймдугаар сард 800,000,000 төгрөгийн зээл авсан нь тодорхой болсон.

Харин энэ асуудлаар УИХ-ын гишүүн Б.Наранхүүгээс хэвлэлийнхэн тодруулахад гишүүн Б.Наранхүү “Би төлөөд өгчихнө өө. Би нэмээд хоёр тэрбум төгрөг өгье. Наад төслөө хий. Наад төсөл чинь Монгол Улсад 2-3 тэрбум төгрөгийн ашиг оруулчих юм байна. Ах нь дэмжээд өгье. Хүүгүй зээлье гээд дүүдээ хэлчихсэн байгаа” гэжээ.

Харин үнэхээр өөрийн мөнгөө дүүдээ өгөх байсан бол анхнаасаа дүүгээ дэмжихгүй, яагаад ЖДҮДС-аас зээл авхуулсан талаар сэтгүүлчид лавлахад тэрбээр “Айлаас ирэхээр авдраа уудал. Хүн ерөөсөө дэргэдээ байгаа эрдэнээ хардаггүй юм байна л даа. Өөрийн дүү болохоор чи чадах юм уу гэсэн харцаар л хардаг. Тиймээс анхааралтай байж, хийх гэж байгаа зүйлийг нь мэдэрч, хажуудахаа анзаарч баймаар юм байна. Хэн нэгэн бөхийг дэмжиж өгдөг мөнгөө дүүдээ өгчихөе. Тайван байцгаа” гэдэг хариултыг өгөөд гарч оджээ.

Dieser Artikel stammt aus dem früheren niitlelch.mn-Archiv. Ursprüngliches Datum oben.
🗎 Archivkopie (2026-10-24)
Archivkopie: Wir speichern das HTML der Quelle zum Zeitpunkt des Abrufs. Auch wenn das Original gelöscht oder geändert wird, bleibt nachlesbar, was dort stand. Die SHA-256-Prüfsumme belegt, dass die Datei unverändert ist.

⚑ Fehler melden

Kommentare (0)

Noch keine Kommentare.

Zum Kommentieren bitte anmelden.