21/02/2017 · niitlelch.mn (Archiv) · Archive

Цагдаагийн ерөнхий газраас ахмад ажилтнууддаа хүндэтгэл үзүүллээ

Арван долдугаар жарны “Алтан унжлагат” хэмээх Гал тахиа жилийн сар шинийн баярыг тохиолдуулан Цагдаагийн ерөнхий газарт ажиллаж байгаад гавьяаныхаа амралтанд гарсан ахмад ажилтнуудад хүндэтгэл үзүүлэх үйл ажиллагааг зохион байгууллаа.

Энэ үйл ажиллагаанд нийтдээ 88 ахмад ажилтнуудыг хамруулж, , Цагдаагийн ерөнхий газрын даргын зөвлөлийн гишүүд болон нэгжийн зарим удирдлагууд зарим ахмадуудад гэрт нь очиж, Цагдаагийн ерөнхий газрын даргын мэндчилгээ, гарын бэлгийг гардуулсан юм. Мөн Цагдаагийн ерөнхий газрын Дэд дарга, дэд комиссар М.Лувсандорж, Төлөвлөлт, зохион байгуулалтын хэлтсийн дарга, цагдаагийн хурандаа Ж.Баясгалан нар Монгол Улсын Ерөнхийлөгчийн зарлигаар “Монгол Улсын үйлчилгээний гавьяат ажилтан” цол тэмдгээр шагнагдсан цагдаагийн байгууллагын ахмад ажилтан, цагдаагийн бэлтгэл хошууч Ёндонгийн Ядамсүрэнд баяр хүргэж, гарын бэлэг, дурсгалын зүйл гардуулан өгсөн юм.

Цагдаагийн байгууллагын түүхийн он цагийг зузаалж, өргөсөн тангарагтаа үнэнчээр зүтгэж ирсэн үе үеийн ахмад буурлууддаа Арван долдугаар жарны “Алтан унжлагат” хэмээх Гал тахиа жилийн сар шинийн баярын мэндийг хүргэе.

This article is from the earlier niitlelch.mn archive. Original publication date shown above.
🗎 Snapshot (2026-10-24)
Archived copy: we store the source HTML at the moment of crawling. Even if the original is deleted or changed, you can see what it said. The SHA-256 checksum proves the file is unchanged.

⚑ Report an error

Comments (0)

No comments yet.

Log in to comment.