21/02/2017 · niitlelch.mn (Archiv) · Archive

Ким Жон Намыг хороож буй бичлэгийг ил болголоо

Хойд Солонгосын удирдагч Ким Жон Уны ах Ким Жон Намын аллагын дүрс бичлэгийг Японы Fuji TV суваг үзүүллээ. Өнгөрөгч даваа гаригт Хойд Солонгосын удирдагчийн эцэг нэгт ах Ким Жон Нам, Малайзийн Куала Лумпур хотоос Макао руу нисэх гэж байхдаа бусдад алагдсан. Түүний аллага Малайзын нисэх онгоцны буудлын хяналтын камерт бичигдэн үлдсэн байсан ба уг бичлэгт талийгаачийг тасалбар бичүүлэхээр зогсож байхад нь нэгэн эмэгтэй араас нүүрэнд нь хүрээд эргэн зугтаж байгаа нь харагддаг.

Мөн энэ үеэр өөр нэг эмэгтэй хэргийн газраас энэхүү эмэгтэйн эсрэг чигт явж байгаа нь бичигджээ. Энэ явдлын дараа Ким Жон Нам нисэх буудлын ажилтанд хандаж өөрт тохиолдсон явдлыг ярьж байгаа харагдах ба буудлын хамгаалалтын ажилтан түүнийг цагдаад хүргэж өгч буй. Үүний дараа тэрээр ухаан алдаж унасныг эмнэлгийн ажилтнууд ирж дамнуурган дээр тавин тусламж үзүүлэхээр авч явжээ. Малайзын цагдаагийн газраас Ким Жон Намыг Хойд Солонгосын тагнуулынхан алсан хэмээн сэжиглэж байгаа ба уг хэрэгтэй холбогдуулан Вьетнам, Индонезийн паспорттой хоёр эмэгтэй, Индонез эмэгтэйн найз залуу, Хойд Солонгосын нэг эрэгтэй, нийт дөрвөн хүнийг баривчлаад байгаа юм.

This article is from the earlier niitlelch.mn archive. Original publication date shown above.
🗎 Snapshot (2026-10-24)
Archived copy: we store the source HTML at the moment of crawling. Even if the original is deleted or changed, you can see what it said. The SHA-256 checksum proves the file is unchanged.

⚑ Report an error

Comments (0)

No comments yet.

Log in to comment.