2017.03.15 · niitlelch.mn (Archiv) · Архив

Д.Загджав Уул уурхай, хүнд үйлдвэрийн дэд сайдаар томилогдлоо

Уул уурхай, хүнд үйлдвэрийн дэд сайдаар ажиллаж байсан Х.Бадамсүрэн “Эрдэнэт үйлдвэр” ХК-ийн захирлаар томилогдсоноор эл салбар дэд сайдын албан тушаал эзэнгүй болсон. Тэгвэл өнөөдөр болсон Засгийн газрын хуралдаанаар УИХ-ын гишүүн асан Д.Загджавыг Уул уурхай, хүнд үйлдвэрийн дэд сайдаар томиллоо.

Тэрбээр Нийгмийг аюулаас хамгаалах яамны Цэргийн дээд сургууль төгссөн. Төрийн захиргааны удирдлагын хөгжлийн институт, Төрийн удирдлагын академи, ОХУ-ын Новосибирск хотын Эдийн засгийн удирдлагын академийг дүүргэж, Дорноговь аймгийн Цагдан сэргийлэх хэлтэс, Ховд аймгийн АДХГЗ-ын дэргэдэх Хууль зүй, арбитрын хэлтэс, “Алтай интернэйшнл” ХХК-д ажиллаж байсан юм. 2008 онд УИХ-ын гишүүнээр сонгогдон ажиллаж байгаад, Хан-Уул дүүргийн Засаг дарга, Байгаль орчны яамны Төрийн нарийн бичгийн дарга, Монголын Энхтайван, найрамдлын байгууллагын ерөнхийлөгчийн албан тушаал хашиж байсан байна.

Энэ нийтлэл niitlelch.mn-ийн өмнөх архиваас. Анх нийтлэгдсэн огноо дээр заагдсан.
🗎 Архивлагдсан хувь (2026-10-24)
Архивлагдсан хувь: бид эх сурвалжийн HTML-ийг татаж авсан тэр мөчид нь хадгалдаг. Эх нийтлэл устсан, өөрчлөгдсөн ч энд юу бичигдсэн байсныг харж болно. Хяналтын нийлбэр (SHA-256) нь файл өөрчлөгдөөгүйг баталгаажуулна.

⚑ Алдаа мэдэгдэх

Сэтгэгдэл (0)

Сэтгэгдэл алга.

Сэтгэгдэл бичихийн тулд нэвтэрнэ үү.