10/12/2018 · niitlelch.mn (Archiv) · Archive

Монголын сүмоч Таканоива зодог тайлах хүсэлтээ хүргүүллээ

Жил гаруйн өмнө нутаг нэгт ёкозунад зодуулсан хэрэг нь сүмогийн ертөнцийг доргиож байсан Монголын сүмоч Таканоива энэ удаа өөрөө бусдыг зодсон хэрэгт холбогдож зодог тайлахаар болжээ.

Өнгөрсөн Баасан гарагт тэр зодог тайлах хүсэлтээ гаргаж өгсөн тухай Японы Сүмогийн Холбоо мэдээлсэн байна.

Сүмогийн Холбоо Таканоивагийн хүсэлтийг зөвшөөрсөн байна.

Мягмар гарагт Фүкүокад зохиогдож байгаа орон нутгийн барилдааны үеэр Таканоива зочид буудалд Чиганоура дэвжээний залуу бөхийг зодсон гэнэ. Өөрийнх нь эд зүйлийг авч ирэхээ мартсан залууд тэр ийм шийтгэл оноожээ.

Залуу бөхийн нүүрэнд гарын алгаар, нударгаар нийт таван удаа цохисон байна. Ноцтой гэмтэл учраагүй ч хохирогчийн нүүр хөхөрсөн байгааг Сүмогийн Холбоо мэдээлжээ.

Одоо 28 настай Таканоива буюу Адъяагийн Баасандорж нь 2009 онд анх ёкозуна асан Таканоханагийн дэвжээнд барилдахаар ирж байсан юм. 2014 онд тэр дээд зиндаанд дэвшин барилджээ.

Өнгөрсөн оны аравдугаар сард Таканоиваг Монголын ёкозуна Харумафүжи зодож бэртээсэн хэрэг гарч байв.

Үүний улмаас Харумафүжи зодог тайлсан бол дэвжээний эзэн Таканохана нь мөн дэвжээгээ тарааж, сүмогийн ертөнцөөс явсан юм.

Өнгөрсөн сард Таканоива зодуулж бэртсэний улмаас учирсан санхүүгийн хохирлоо барагдуулахаар шүүхэд Харумафүжигийн эсрэг гомдол гаргасан ч дараа нь гомдлоо буцааж татсан байна.

This article is from the earlier niitlelch.mn archive. Original publication date shown above.
🗎 Snapshot (2026-10-24)
Archived copy: we store the source HTML at the moment of crawling. Even if the original is deleted or changed, you can see what it said. The SHA-256 checksum proves the file is unchanged.

⚑ Report an error

Comments (0)

No comments yet.

Log in to comment.