12/12/2018 · niitlelch.mn (Archiv) · Archive

СИНГАПУР: Блокчейны чуулганд Азийн тэргүүн баячууд заларчээ

Ази тивийн хамгийн чинээлэг, хүчирхэг, нөлөө бүхий 130 хүн Сингапурт чуулж, Блокчейн технологийн талаар сонсож байна.

Энэ удаагийн чуулганд оролцож байгаа хүмүүс нь тун саяхан дэлгэцийн хит болсон “Crazy Rich Asians” киног санагдуулам томоохон энтрепренерүүд, хөрөнгө оруулагчид, гэр бүлийнхэн цугларчээ.

Тэдгээр хөрөнгө оруулагчдыг Сингапурт цуглуулж чадсан хүмүүс нь Ази төдийгүй, дэлхийн хэмжээнд хамгийн нөлөө бүхий криптогийн удирдагчдын баг юм. Энэхүү эвентийг “Forbes Asia” зохион байгуулсан бөгөөд зөвхөн урилгаар зочдыг оролцуулжээ.

“Decrypting Blockchain for Business” чуулганы тайзан дээрээс криптогийн нүүр царай болсон эрхмүүд өөрсдийн байр суурийг хуваалцсан байна. Хэдийгээр сүүлийн 3 сарын хугацаанд ханш тогтмол унаж, зах зээл хумигдаж хямарч байгаа дүр зураг ажиглагдсан ч, Сингапурт чуулж байгаа криптогийн хөрөнгө оруулагчдын уур амьсгал огт өөр байжээ.

18 тэрбум ам.долларын хөрөнгөтэй Royal Golden Eagle нэртэй томоохон үйлдвэрлэлийн компаний захирал Андерсон Таното блокчейнд сонирхлоо илэрхийлсэн байна. Мөн чуулганд Сингапурын мэдээлэл харилцаа холбооны сайд Жанил Путучеару оролцож, блокчейн хэрэглээний талаар илтгэл тавьсан юм.

Хятадын BTCC биткойн арилжааны газрын үүсгэн байгуулагч Бобби Лий

Олны анхаарлыг татсан томоохон илтгэгчид гэвэл Хятадын BTCC биткойн арилжааны газрыг үүсгэн байгуулагч Бобби Лий, Сингапурын арилжааны биржийн дэд ерөнхийлөгч Тинкү Гупта, Блокчейн хөгжүүлэлтийн “Kenetic” фирмийн үүсгэн байгуулагч Жихан Чу нар байлаа.

This article is from the earlier niitlelch.mn archive. Original publication date shown above.
🗎 Snapshot (2026-10-24)
Archived copy: we store the source HTML at the moment of crawling. Even if the original is deleted or changed, you can see what it said. The SHA-256 checksum proves the file is unchanged.

⚑ Report an error

Comments (0)

No comments yet.

Log in to comment.