18/12/2018 · niitlelch.mn (Archiv) · Archive

ХӨХ-ХОТ 2018: Өсвөрийн бөхчүүд ганзага дүүрэн ирлээ

Чөлөөт бөхийн өсвөр үеийн олон улсын “Хөх хот-2018” тэмцээн өнгөрсөн амралтын өдрүүдэд БНХАУ-ын ӨМӨЗО-ны Хөх хотод болж, Монгол, БНХАУ, ОХУ гэсэн гурван орны тамирчин өрсөлдсөн.

Монгол Улсаас тус тэмцээнд Д.Мөнхбаяр, М.Кажымукан дасгалжуулагчтай Налайх дүүргийн “Мөнхийн хүчтэн” клуб, Б.Одончимэг дасгалжуулагчтай “Алдар” спорт хороо, Э.Баттүшиг дасгалжуулагчтай Өвөрхангай аймаг, С.Сайнбаяр дасгалжуулагчтай Дорноговь аймгийн Зүүнбаян сумын 20 гаруй тамирчин оролцсоноос дөрвөн алт, хоёр мөнгө, гурван хүрэл нийт есөн медаль хүртэв.

Тухайлбал, хөвгүүдийн 71 кг-ын жинд Г.Ганцоож (Мөнхийн хүчтэн) алт, Б.Булгантамир (Сэлэнгэ) мөнгө, 57 кг-д Н.Отгонбаяр (Зүүнбаян) хүрэл, охидын 46 кг-д Д.Азжаргал (Мөнхийн хүчтэн), 49 кг-д Ж.Загарсүрэн, 61 кг-д Н.Насанжаргал (Өвөрхангай) нар алт, 54 кг-д Л.Энхжин (Алдар) мөнгө 42 кг-д Г.Эрдэнэхатан (Мөнхийн хүчтэн), 46 кг-д Г.Эрдэнэсүрэн нар (Өвөрхангай) хүрэл медаль хүртэв.

This article is from the earlier niitlelch.mn archive. Original publication date shown above.
🗎 Snapshot (2026-10-24)
Archived copy: we store the source HTML at the moment of crawling. Even if the original is deleted or changed, you can see what it said. The SHA-256 checksum proves the file is unchanged.

⚑ Report an error

Comments (0)

No comments yet.

Log in to comment.