21/12/2018 · niitlelch.mn (Archiv) · Archive

Обама Санта болж БЭЛЭГ тараажээ

Шинэ жилийн баяр хаяанд иржээ. Бяцхан хүүхдүүдийн хувьд тус баяр хамгийн сэтгэл догдлуулсан байдаг. Тэгвэл баярыг угтсан АНУ-ын экс Ерөнхийлөгч Барак Обама Санта Клаусын дүрд хувиран, хүүхдүүдэд гэнэтийн бэлэг барьсан талаар “Ройтерс” агентлаг мэдээллээ.

Тус улсын анхны өнгөт арьст Ерөнхийлөгч Обама өчигдөр нийслэл Вашингтон хотноо байрлах Хүүхдийн эрүүл мэндийн үндэсний цогцолборт зочилж, хүүхдүүдэд бэлэг тараажээ.

Эмнэлэгийн удирдлагууд “Хүүхдүүдээ та бүхэнд бэлэг тараахаар алсын алсаар Санта Клаус хүрэлцэн ирээд байна” хэмээн хэлэхэд бэлэг үүрсэн Обама орж ирсэн аж.

Обама твиттер хуудастаа “Гайхалтай хүүхдүүд болон эмнэлэгийн ажилчид талархлаа илэрхийлье. Өнөөдөр би Санта бус туслахаас нь ажиллаа” гэж жиргэжээ.

Тэрбээр өнгөрөгч онд Вашингтон хотноо байрлах н Охид, хөвгүүдийн клубт зочилж, бэлэг тарааж байсан билээ.

This article is from the earlier niitlelch.mn archive. Original publication date shown above.
🗎 Snapshot (2026-10-24)
Archived copy: we store the source HTML at the moment of crawling. Even if the original is deleted or changed, you can see what it said. The SHA-256 checksum proves the file is unchanged.

⚑ Report an error

Comments (0)

No comments yet.

Log in to comment.