28/12/2018 · niitlelch.mn (Archiv) · Archive

Японы GMO INTERNET компани БИТКОЙН салбарыг орхино

Японы интернет үйлчилгээний хамгийн том компани болох “GMO Internet” нь Биткойн олборлогч үйлдвэрлэх бизнесээ орхиж буйгаа мэдэгдлээ. Эх сурвалжийн мэдээлснээр 4 дүгээр улиралд ихээхэн хэмжээний санхүүгийн хохирол амссан учраас ийнхүү Биткойн олборлогч үйлдвэрлэхээ зогсоосон байна.

Эргэн сануулахад Япон улсад интернет үйлчилгээний цар хүрээгээр тэргүүлэгч GMO нь 2017 онд Биткойн олборлолтын салбарт нэвтэрсэн бөгөөд цаашид олборлох төхөөрөмж хөгжүүлэхгүй, үйлдвэрлэхгүй, худалдан борлуулахгүй хэмээн мэдэгдэлдээ дурджээ.

Учир мэдэх хүмүүсийн хэлж буйгаар GMO компани крипто олборлогч төхөөрөмж үйлдвэрлэхтэй холбоотойгоор маш их хэмжээний алдагдал хүлээсэн, түүнийгээ энэ салбараас нөхөн олох нь бүтэшгүй болсон тул салбарыг орхихоор шийдсэн гэнэ.

Түүнчлэн “GMO Internet” нь олборлох бизнесээ илүү цэвэрхэн, хямд цахилгаан эрчим хүчний эх үүсвэртэй бүс нутаг олсон тохиолдолд үйл ажиллагаагаа үргэлжлүүлэх, тийшээ шилжих боломжтой юм байна.

Дашрамд хэлэхэд дэлхийн хамгийн том Биткойн олборлогч төхөөрөмж үйлдвэрлэгч болох “Bitmain” нь нийт 2500 ажилтныхаа тэн хагасыг нь халж, цомхтголд оруулах гэж байна гэсэн мэдээ дуулдаад байна.

This article is from the earlier niitlelch.mn archive. Original publication date shown above.
🗎 Snapshot (2026-10-24)
Archived copy: we store the source HTML at the moment of crawling. Even if the original is deleted or changed, you can see what it said. The SHA-256 checksum proves the file is unchanged.

⚑ Report an error

Comments (0)

No comments yet.

Log in to comment.