08.01.2019 · niitlelch.mn (Archiv) · Archiv

ДЕЛИ: Сайд Д.Цогтбаатар Райсинагийн уулзалтад оролцож байна

Automatisch über den Namen verknüpft · ⚑ Fehler melden

Энэтхэгийн нийслэл Дели хотноо зохион байгуулагдаж буй Райсинагийн уулзалтад Гадаад харилцааны сайд Д.Цогтбаатар оролцож байна. Өдгөө гурав дахь жилдээ зохион байгуулагдаж буй уг уулзалт энэ жил “Өөрчлөгдөж буй дэлхий” сэдвээр зохион байгуулагдаж байгаа юм.

Хөгжлийн хурдтай хөл нийлүүлэн эдийн засаг, геополитикийн бодлогоо уялдуулах, хамтын ажиллагаагаа шинэ шатанд гарган сорилтуудыг даван гарах талаар 70 гаруй улсын төлөөлөгчид хэлэлцэж буй аж.

Ази номхон далайн геополитик, эдийн засаг дэлхийн эдийн засгийн бодлоготой хэрхэн уялдах ёстойг зөвлөлддөг уг уулзалтад Иран, Энэтхэг, Балба, Испани, Иран, Австралийн гадаад хэргийн сайд нар, нийт 35 улсын өндөр албан тушаалтнууд оролцож байна.

Түүнчлэн Британийн Ерөнхий сайд асан Тони Блейр, Италийн Ерөнхий сайд асан Паоло Жентилони, Канадын Ерөнхий сайд асан Стивен Харпер, Афганистаны Ерөнхий сайд асан Хамид Карзай нар тусгай төлөөлөгчөөр оролцож байна.

Энэтхэгийн Засгийн газар, Энэтхэгт төвтэй бодлогын хүрээлэн болох “Шинжээчдийн судалгааны сан” хамтран зохион байгуулдаг уг уулзалт 2016 оноос эхлэн жил бүр уламжлал болгон зохион байгуулагдаж байгаа юм.

Анх 35 улсын 100 гаруй илтгэгч оролцдог байсан бол өнгөрсөн жилийн уулзалтад 70 гаруй улсын 120 гаруй илтгэгч 800 төлөөлөгч оролцдог томоохон уулзалтын нэг болжээ. Райсинагийн уулзалт энэ сарын 10-ны өдөр өндөрлөнө.

Dieser Artikel stammt aus dem früheren niitlelch.mn-Archiv. Ursprüngliches Datum oben.
🗎 Archivkopie (2026-10-24)
Archivkopie: Wir speichern das HTML der Quelle zum Zeitpunkt des Abrufs. Auch wenn das Original gelöscht oder geändert wird, bleibt nachlesbar, was dort stand. Die SHA-256-Prüfsumme belegt, dass die Datei unverändert ist.

⚑ Fehler melden

Kommentare (0)

Noch keine Kommentare.

Zum Kommentieren bitte anmelden.