09.01.2019 · niitlelch.mn (Archiv) · Archiv

МУГТ Х.Цагаанбаатар ЖҮДО бөхийн УАШТ-ээс мөнгөн медаль хүртлээ

Жүдо бөхийн эрэгтэйчүүдийн 42, эмэгтэйчүүдийн 27, багийн долоо дахь удаагийн насанд хүрэгчдийн УАШТ Сэлэнгэ аймагт /2019-01-08/-ний өдөр албан ёсоор эхэлсэн.

Хөнгөн жингийн барилдаанууд тун өрсөлдөөнтэй явагдаж дууссан. Өнөөдөр эрэгтэйчүүдийн -81кг, -90кг, -100кг, +100кг, эмэгтэйчүүдийн -70кг, -78кг, +78кг жингийн барилдаанууд явагдаж өндөрлөлөө.

Олимпийн их наадмын хүрэл, Дэлхийн аваргын алт, хүрэл медальт Монгол улсын хөдөлмөрийн баатар, гавьяат тамирчин Х.Цагаанбаатар жүдо бөхийн насанд хүрэгчдийн УАШТ-д -90 кг жинд оролцон мөнгөн медаль хүртсэн байна.

Өдгөө 34 настай Х.Цагаанбаатарын хувьд Монгол улсын аваргад нийтдээ найман удаа түрүүлсэн байдаг. Тэрээр хамгийн сүүлд олон улсын дэвжээнээ 2015 оны Астанагийн багийн ДАШТ-д хүрэл медаль хүртэн зодог тайлж буйгаа зарлаж байсан билээ.

Dieser Artikel stammt aus dem früheren niitlelch.mn-Archiv. Ursprüngliches Datum oben.
🗎 Archivkopie (2026-10-24)
Archivkopie: Wir speichern das HTML der Quelle zum Zeitpunkt des Abrufs. Auch wenn das Original gelöscht oder geändert wird, bleibt nachlesbar, was dort stand. Die SHA-256-Prüfsumme belegt, dass die Datei unverändert ist.

⚑ Fehler melden

Kommentare (0)

Noch keine Kommentare.

Zum Kommentieren bitte anmelden.