23/03/2017 · niitlelch.mn (Archiv) · Archive

Баруун бүсийн оношилгооны төвийг өргөтгөнө

Эдгээр өдрүүдэд Ерөнхий сайд баруун аймгуудад ажиллаж буй. Тэрбээр Ховд аймаг дахь Баруун бүсийн оношилгооны төвийн үйл ажиллагаатай танилцаад, барилгыг өргөтгөх шаардлагатай техник тоног төхөөрөмжийн хүрэлцээ, хангамж дутагдалтай байгаа зэрэг хүндрэл учирч байгааг харгалзан үзэж, тус төвийн өргөтгөлийг Засгийн газрын дэмжлэгээр хийхээр шийдвэрлэлээ.

Баруун бүсийн оношилгооны төвийн барилгыг Азийн хөгжлийн банкны санхүүжилтээр өргөтгөж, тоног төхөөрөмжийн шинэчлэл хийхээр болжээ. Бельги улсын Засгийн газрын санхүүжилтээр тоног төхөөрөмжийн шинэчлэлтийг хоёр жилийн хугацаатай, шатлалтайгаар хийж гүйцэтгэх юм.

1987 онд ашиглалтад орсон тус төв нь тухайн үед 50 мянган хүн амд үйлчилж байсан бол өнөөдөр зөвхөн Ховд аймгийн иргэд 80 гаруй мянга хүрээд буй. Түүнчлэн зөвхөн өнгөрөгч онд гэхэд Баян-Өлгий, Завхан, Говь-Алтай, Увс зэрэг баруун аймгуудаас 6700 гаруй иргэн тус төвөөр үйлчүүлсэн байна.

This article is from the earlier niitlelch.mn archive. Original publication date shown above.
🗎 Snapshot (2026-10-24)
Archived copy: we store the source HTML at the moment of crawling. Even if the original is deleted or changed, you can see what it said. The SHA-256 checksum proves the file is unchanged.

⚑ Report an error

Comments (0)

No comments yet.

Log in to comment.