24/01/2019 · niitlelch.mn (Archiv) · Archive

Шинээр нээгдэх “крипто арилжааны төв”-д технологийн шийдлийн тусламж үзүүлнэ

Лондоны хөрөнгийн бирж нь Хонконгт үүсгэн байгуулагдах криптовалют арилжааны газарт зориулан тусгай технологиор хангахаар болсон байна.

“London Stock Exchange” группийн мэдээлснээр Хонконгт төвтэй ATOM Group санхүүгийн технологийн фирмийн нээж буй AAX гэх шинэ криптовалют арилжааны платформын арилжаа тохируулах програмын хэсгийг нь Лондоны хөрөнгийн бирж хийж өгөх юм.

2019 оны эхний хагаст AAX албан ёсоор нээлтээ хийхийн зэрэгцээ дээрх төрлийн технологи ашиглаж байгаа анхны криптовалют арилжааны газар болно.

“London Stock Exchange” буюу Лондоны хөрөнгийн бирж нь Хонконгийн хөрөнгийн бирж /HKEX/ болон Сингапурын бирж (SGX)-д техникийн шийдлийн туслалцаа үзүүлдэг байна.

Шинээр нээгдэх криптовалют арилжааны платформын аюулгүй байдал тал дээр нь ATOM Group ихээхэн анхаарч, АНУ-д төвтэй “Kroll” нэртэй кибер аюулгүй байдлын фирмтэй хамтрахаар болжээ.

This article is from the earlier niitlelch.mn archive. Original publication date shown above.
🗎 Snapshot (2026-10-24)
Archived copy: we store the source HTML at the moment of crawling. Even if the original is deleted or changed, you can see what it said. The SHA-256 checksum proves the file is unchanged.

⚑ Report an error

Comments (0)

No comments yet.

Log in to comment.