24/01/2019 · niitlelch.mn (Archiv) · Archive

Цагдаагийн байгууллагын “Сагсан бөмбөгийн нөхөрсөг тэмцээн” боллоо

Цагдаа, дотоодын цэргийн байгууллагын удирдах ажилтны зөвлөгөөн /2019-01-23/ Сагсан бөмбөгийн нөхөрсөг тэмцээнээр эхлэн, Цагдаагийн ерөнхий газрын “Хүч” спорт хорооны заланд амжилттай болж өндөрлөв.

Тэмцээнд 12 багийн 140 гаруй удирдах албан тушаалтнууд оролцож, авхаалж самбаагаа сорин өрсөлдөхөд Цагдаа, Дотоодын цэргийн байгууллагын удирдах ажилтнуудын Сагсан бөмбөгийн тэмцээний шилжин явах цомын эздээр цагдаагийн хурандаа Б.Даваажав ахлагчтай 3 дугаар баг тамирчид тодорлоо.

Дэд байрт цагдаагийн хурандаа Б.Бат-Өлзий ахлагчтай Цагдаагийн ерөнхий газрын 1 дүгээр баг тамирчид, гутгаар байрт цагдаагийн хурандаа Д.Отгонжаргал ахлагчтай 4 дүгээр баг тамирчид тус тус шалгарч, алт, мөнгө, хүрэл медалийн эзэд болсон юм.

“Шилдэг тоглогч”-оор Эрүүгийн цагдаагийн албаны Зохион байгуулалттай гэмт бүлэг, Хүн худалдаалах гэмт хэрэгтэй тэмцэх хэлтсийн дарга, цагдаагийн дэд хурандаа О.Нямдаваа, “Шилдэг довтлогч”-оор Тээврийн цагдаагийн албаны Төлөвлөлт зохион байгуулалтын хэлтсийн дарга, цагдаагийн хурандаа Д.Ганзориг, “Шилдэг холбогч”-оор Мөрдөн байцаах албаны Тусгай субъектийн үйлдсэн гэмт хэргийг мөрдөн шалгах хэлтсийн дарга, цагдаагийн хурандаа Т.Баатар нар шалгарлаа

Зөвлөгөөн 24, 25 нд Мөрдөн байцаах албаны хурлын танхимд сургалтаар үргэлжилнэ.

This article is from the earlier niitlelch.mn archive. Original publication date shown above.
🗎 Snapshot (2026-10-24)
Archived copy: we store the source HTML at the moment of crawling. Even if the original is deleted or changed, you can see what it said. The SHA-256 checksum proves the file is unchanged.

⚑ Report an error

Comments (0)

No comments yet.

Log in to comment.