01/02/2019 · niitlelch.mn (Archiv) · Archive

Хабиб Нурмагомедов, К.МакГрегор нарт ШИЙТГЭЛ оногдууллаа

Нэрт тулаанч Хабиб Нурмагомедов, Конор МакГрегор нар олныг өдөөн турхирсан үйлдэлдээ зохих ёсны шийтгэлээ амслаа.

Невада мужийн тамирчдын зөвлөлөөс Х.Нурмагомедовт 500 мянган ам.долларын торгууль оноож, есөн сар тулалдах эрхийг нь хассан бол К.МакГрегорын эрхийг зургаан сараар цуцалж, 50 мянган “ногоон”-ы шийтгэл оногдууллаа.

Түүнчлэн, Хабибын үеэл Абубакар Нурмагомедов, багийн хамтрагч Зубаира Тухугов нарыг олон нийтийн газар зодолдсон тул тус бүр 25 мянган ам.долларын торгууль өгч, тулаан хийх эрхийг нь нэг жилээр хассан аж.

К.МакГрегорын хувьд ирэх дөрөвдүгээр сарын 6-нд эрх нь сэргэх бол Х.Нурмагомедов ирэх аравдугаар сараас шинэ тулаан хийх боломжтой юм.

Гэхдээ Хабиб дахин Лас-Вегаст тулалдахгүй гэдгээ албан ёсоор мэдэгдэв. Тэрбээр АНУ-д тулаан хийхээр бол Нью-Йоркийг сонгоно гэж зарласан хэрэг.

Одоогоор Лас-Вегасаас өөр газар тулаан хийх эрх нь нээлттэй байгаа юм.

This article is from the earlier niitlelch.mn archive. Original publication date shown above.
🗎 Snapshot (2026-10-24)
Archived copy: we store the source HTML at the moment of crawling. Even if the original is deleted or changed, you can see what it said. The SHA-256 checksum proves the file is unchanged.

⚑ Report an error

Comments (0)

No comments yet.

Log in to comment.