12/02/2019 · niitlelch.mn (Archiv) · Archive

Хятадын 10 содон найрагчид Өвөр Монгол яруу найрагч Ц.Цолмон багтлаа

Урд хөрш гахай жилийн босгон дээр өнгөрсөн оны 10 содон яруу найрагчаа тодруулжээ.

БНХАУ-ын яруу найргийн www.m.yzs.com сайтаас тодруулдаг эл шалгаруулалтад Өвөр Монголын яруу найрагч Ц.Цолмон багтсан бөгөөд тус улсын цөөн тоот үндэстнээс ийн анхны найрагч шилдэг аравт орж байгаа аж.

“Солонго” шагналт яруу найрагч Цэдэнжавын Цолмон ӨМӨЗО-ны Шилийн гол аймгийн Сөнөд зүүн хошуунд 1963 онд төрсөн, Өвөр Монголын багшийн их сургуулийн багш, доктор, профессор зэрэгтэй аж.

Тэрбээр ӨМӨЗО-ны Орчуулагчдын эвлэлийн дэд тэргүүн, Хятадын зохиолчдын эвлэлийн гишүүний албыг хашдаг юм байна.

Сонирхуулахад, яруу найрагч Ц.Цолмон 2011 онд “Цэцгийн салхи” нэртэй яруу найргийн номоо кирилл бичгээр хэвлүүлж, монгол уншигчдад өргөн барьж байсан билээ.

This article is from the earlier niitlelch.mn archive. Original publication date shown above.
🗎 Snapshot (2026-10-24)
Archived copy: we store the source HTML at the moment of crawling. Even if the original is deleted or changed, you can see what it said. The SHA-256 checksum proves the file is unchanged.

⚑ Report an error

Comments (0)

No comments yet.

Log in to comment.