12.02.2019 · niitlelch.mn (Archiv) · Archiv

БАНГКОК: Ц.Амарсанаа “One Championship”-т хүч үзнэ

Монгол улсын холимог тулааны шилдэг тамирчин Цогоохүү овогтой Амарсанаа дэлхийн шилдэг холбоодын нэг болох “One Championship”-т тулалдахаар боллоо.

Энэ жил 27 настай Ц.Амарсанаа 2-р сарын 16-нд Тайландын нийслэл Бангкок хотноо болох тулаанд Тайландын тамирчин Шэннон Виратчайтай хүч үзнэ.

Хамгийн сүүлд 2018 оны 10-р сарын 27-ны өдөр “MGL-1” холбооны 12 дахь тулаанд О.Энх-Оргилыг ялсан Ц.Амарсанаа шинэ оны өмнөхөн АНУ-ыг зорьж, тэнд бэлтгэл сургуулилтаа базааж байгаа юм.

Ц.Амарсанаагийн төрсөн эгч нь кикбоксын ДАШТ-д мөнгөн медаль хүртэж байсан. Харин өөрөө боксын УАШТ-ий хүрэл медальтай. Японы “DEEP” холбоонд тулалдаж явсан Ц.Амарсанаа одоогоор холимог тулаанаар 5-1 гэсэн амжилттай. Харин түүнтэй өрсөлдөх Виратчайн хувьд 30 настай, 9-3 гэсэн амжилттай аж.

Манай тамирчин 70кг-ийн жинд өрсөлддөг ч энэ удаагийн тулаан 77кг-ийн жинд, дээрээс нь өрсөлдөгч тамирчных нь нутагт болно. Виратчай уг нь энэ тулаанд Өмнөд Солонгосын тамирчинтай хүч үзэх байсан ч өрсөлдөгч тамирчин нь тодорхойгүй шалтгаанаар тулалдах боломжгүй болсон учраас ийнхүү Ц.Амарсанаа оронд нь тулалдахаар болжээ.

Та бүхэн энэ тулааныг 2019 оны 02 сарын 16-ны Бямба гарагт 21:30 минутаас “SPS Тулаан” сувгаар албан ёсны эрхтэйгээр шууд хүлээн авах боломжтой.

Dieser Artikel stammt aus dem früheren niitlelch.mn-Archiv. Ursprüngliches Datum oben.
🗎 Archivkopie (2026-10-24)
Archivkopie: Wir speichern das HTML der Quelle zum Zeitpunkt des Abrufs. Auch wenn das Original gelöscht oder geändert wird, bleibt nachlesbar, was dort stand. Die SHA-256-Prüfsumme belegt, dass die Datei unverändert ist.

⚑ Fehler melden

Kommentare (0)

Noch keine Kommentare.

Zum Kommentieren bitte anmelden.