14/02/2019 · niitlelch.mn (Archiv) · Archive

САЙН МЭДЭЭ: DPF технологийн шүүлтүүрээр автобусны утааг бууруулна

Нийтийн тээврийн хэрэгслийн хорт утааг 85-97 хувь хүртэл бууруулах DPF технологийн шүүлтүүрийг Монгол Улсад нэвтрүүлнэ.

Энэ тухай санамж бичгийг БНСУ-ын Аж үйлдвэр, худалдааны яамны харьяа Монгол Улс дахь төлөөлөгчийн газар “Котро Улаанбаатар”, нийслэлийн Тээврийн газартай хамтран байгуулав.

Санамж бичгийн хүрээнд БНСУ-ын “Серакомб” компанийн үйлдвэрлэсэн өндөр технологийн DPF шүүлтүүрийг нийтийн тээврийн автобусанд суурилуулах юм. Тус компани нь эл төхөөрөмжийг 25 жил үйлдвэрлэсэн туршлагатай бөгөөд БНСУ, БНХАУ, Иран, Тайланд зэрэг долоон улсад энэхүү төхөөрөмжийг нэвтрүүлжээ.

Өнгөрсөн онд “Серакомб” ХХК нь өөрийн хөрөнгөөр манай улсын дөрвөн том оврын автобусанд тус төхөөрөмжийг суурилуулсан. Төхөөрөмж суурилуулсан автобусыг тодорхой хуваарийн дагуу туршин, нарийн хэмжилт хийхэд хорт утаа 50-60 хувь буурсан үзүүлэлт гарчээ.

Санамж бичиг байгуулах ёслолд нийслэлийн Засаг даргын орлогч Д.Энхтөр, нийслэлийн Тээврийн газрын дарга Д.Отгонбаатар “Котра Улаанбаатар” байгууллагын төлөөлөл оролцлоо.

This article is from the earlier niitlelch.mn archive. Original publication date shown above.
🗎 Snapshot (2026-10-24)
Archived copy: we store the source HTML at the moment of crawling. Even if the original is deleted or changed, you can see what it said. The SHA-256 checksum proves the file is unchanged.

⚑ Report an error

Comments (0)

No comments yet.

Log in to comment.